10084-3
Jius, tauteņas raganeņas,
Kur jius mani redzejót?
Ni es gòju krùgâ dzártu,
Ni tèrgâ ròdeitús.

28137-0
Zeme, zeme, saùļe, saùļe
Dúd augļeigu vasareņu.
Saùļe sylda, zeme pylda
Maìzis pylnu orùdeņu.

30368-10
Úzùls gòja par Daugovu
Ar vysóm biteitém;
Tris jauni dravinìki
Gauži raud pakaļê.

33640-2
Şeši jauni stabuļnìki
Jój pa çeļu spàládami,
Visim şešim şèrmi zyrgi,
Visim cauņu capureites.
Vysi şeši sajójuši
Ap tú munu rùžu dòrzu.
Séžu rùžu dòrzeņâ,
Veju rùžu vaiņuçeņu.
Divi soka: byusi muna!
Ùtri divi:nabyus tova!
Treši divi làc nu zyrga,
Dúd maņ zalta gredziņeņu.
Ìdavuši pasaçèja:
Nosoi gudri,tautu meita,
Ka vaìcós tàvs ar mòti,
Sok', bòļeņi ìdavuši,
Ka bòļeņi pavaìcós,
Sok', zemè pacáluşe,
Sok',zemè pacáluşe,
Rùžu dòrzu ravádama.

19506-0
Ol's kanneņa, bičereite
Sauce mani dzáròjeņas.
Na es taida dzáròjeņa,
Kai es ļela dzídótòja.

31006-1
Strauja strauja upe tak
Par bòļeņu teìrumeņu,
Nadreistèju pòri brist,
Deidòs muns kumèļeņš.
-Jòj, bòļeņ, drùši pòri,
Nasļeiks tovys kumèļeņš:
Apakšâ bollta smiļktş,
Vèrsum teìrs yudisņeņš.
Zùbyns grize teìru smilkti,
Yudiņş mozgoj' kumèļeņu.

23427-0
Voj man sovys myuža dìnys
Gryuši vín jòdzeivòj?
Bròļûs beju, màršys ròja,
Tautôs borga vèira mòte.

3965-0
Bòriņeite gauži raud,
Aiz durovu stòvádama,
Sveša mòte ustobâ,
Skuju reìkste rùçeņâ.
Naryudini, sveša mòte,
Tiki gauži bòriņeitiş,
Bòriņeitiş asareņis
Moksoj zalta gabaļeņu.

5057-0
Satòp ? mani div' viļneiši,
Iz Daugovas veļèjùt,
Ìsvíž vòlis Daugovâ,
Ìceļ pošu laìveņâ.
Ìcáluši laìveņâ,
Nùvad mani uz Vòczemi.
Nùvaduši uz Vòczemi,
Dalìk mani klaùseitús,
Dalìk mani klaùseitús,
Kù dzídòja škòlas bàrni.
Treis dìneņas sasaklaùšu
Ni áduse, ni dzáruse;
Catùrtâ dìneņâ
Ìdúd maņi vínu zèrni.
Es tò zèrņa naapéžu,
Tù ìsèju dèrveņî.
Tys izauga kuplys, gars,
Da poším dabasím;
Es izkópu pi Dìveņa
Pa zèrneiša zareņím.
Lobs reiteņš, Dìva dáls!
Kur guļ muna mòmuļeņa?
- Tí guļ tova mòmuļeņa,
Zam Dìveņa noma durs,
Zam Dìveņa noma durs,
Zam zaļù veļèneņu.
- Ceļís, munu mòmuļeņ,
Es paceļšu veļèneņu.
- Es, bèrneņ, nasaceļšu,
Cikom saùļe debesîs.
Dužódama, raudódama,
Ìtecèju nídreitês.
Nu tús nídru šmuigu garu
Iztak zalta olùteņš.
Pi tò zalta olùteņa
Treis jumprovas mozgòjós.
Divi soka: kur tu ísi?
Trešà klótu aicynò.
Kura klótu aicynò,
Tei ìdeve zeìžauteņu.
-Ša, mòseņ, zeìžauteņš,
Nùslaùk sovas asareņas!
- Nùslaùcèju asareņas,
Ša, mòseņ, atpakaļ.
- Jam ar Dìvu, nosoi pate
Par màmeņas žèļeibóm.

31750-4
Tóļi beju staìgòjuşe,
Daùdzi loba redzèjuşe:
Akmiņş stòv uz yudiņa,
Smylga gryma dybynâ.