13650-1
Vakar mòte krùgâ dzéra,
Maņ' pòrdzéra zvejnìkam.
Šùdin tak bòļeļeņi
Jiùru molu raudódami.
-Ak, jiùs jiùru zvejnìceņi,
Redzejat myùs' mòseņu.
-Pìci bollti bòļeļeņi,
Kóda beja jiùs mòseņa?
-Skaista, bollta myùs' mòseņa,
Sorkons rùžu vainuceņš.
-Jam, bròļeit, úša laìvu,
Dzeņís mòsai pakaļê.
-Úša laìva smoga laìva,
Tej núgrima dybynâ.
-Jam, bròļeit, lìpa laìvu,
Dzeņís mòsai pakaļê.
-Pìcu ļeiču ļeikumâ
Séd mòseņa raudódama.
Sést, mòseņ, laìveņâ,
Brauksim obi atpakaļ!
Aiz žàluma navarèju,
Tì rùceņu vín padevu.
-Es nùíšu pavasar,
Ka iudiņs nùsaskrís,
Ka kùceņi salapós,
Ka kiùkós dzaguzeite,
Ka kiùkós dzaguzeite,
Ka trauks óru laksteigola.
Niu ar Dìvu, smolki kòrkli,
Vaìra jiùsu nalùcéšu;
Niu ar Dìvu, skaistas pučes,
Vaìra jiùsu naplyùkóšu;
Niu ar Dìvu, bròļi, mòsas,
Vaìra jiùsu naaudzéšu;
Niu ar Dìvu, tàvs ar mòti,
Vaìra jiùsu naklaùséšu.
Dìveņ, tovu lykumeņu,
Laimeņ, tovu laidumeņu:
Atstój sovu tàv' ar mòti,
Ít ar svešu cilvèceņu,
Tai nameìl tàvs ar mòti,
Kai meìl svešs cilvèceņš.

8770-0
Pogaìd, kuçe kùmiņeic,
Es tev pyùkys izplùykóšu:
Tu atpéļi dìveram
Şen carátu ļaùdaveņu.

32697-2
Es izlyku Jòneišam
Zaļ' úzula vaiņuceņu,
Lai Dìvs dúd Jòneišam
Lobas bites úzulâ.

9184-0
Es Laìmai kráslu çéļu,
Jei iz tò nasasáda.
Ej, Laìmeņ, sovu çeļu,
Pots şédèju krésļeņâ.

33183-2
Es jums soku, jauni puìši,
Jòņa nakti nagulit:
Ka guļésit Jòņa nakti,
Tad dabósit vacas sìvas.

33106-2
Izstaìgòju Jòņa nakti,
Sev draudzeņa vaìcódama.
Ka Jòneišu nadabòšu,
To dabòšu Pìteréšu.

20833-3
Kuram vòrdu zynojam,
Tù mes skaišķi apdzídim;
Kuram vòrda nazynam,
Tù par Anci kristèjam.

22779-0
Ni es gribu vína teikt,
A ni ùtra nycynót:
Muns audzáts bròļeļeņš,
Muna vasta vedekļeņa.

26785-3
Rikšním bèreiti palaižu
Pa garù syla molu,
Kab man sovu ļaudaveņu
Stòv' atrast, naguļeit.
Gudra muna ļaùdaveņa,
Stòv' atrodu, na guļeit
Roksta bolltys vyllnaņeitis,
Roksta bolltus zìdauteņus.

7597-1
Aizzadadzu garu skolu
Séžu illgi vokorâ;
Pyùreņâ vín pazynu
Gara skola dagumeņu.