18121-2
Tóļi, tóļi nùskanèja
Sausa egļe, dzenèjùt;
Tóļi, tóļi nùļeìgò
Tiùlèjò dzáltòneite.

6496-3
Ka maņ sovu ròžu dòrzu
Bez raseņis izravét;
Ka maņ sovu laìka dzeivi
Bez osoru nùdzeivót.

13646-20
Pìci dáli màmeņaI,
Vína meita malèjeņa.
Ej, màmeņ, pasaver,
Kù dor' tova malèjeņa;
Vaļâ lúgi, vaļâ dur's,
Naryuc vaìra dzèrnaveņas
-Kù dorat niu, déļeņi,
Aunités zòbokûs,
Aunités zòbokûs,
Veļcités kažukûs,
Veļcités kažukûs,
Lìcit zamša capureites,
Lìcit zamša capureites,
Sadlòjit kumèļeņus.
-Braucam bròļi vínu dìnu,
Nikò loba naredzèjóm.
Braucam bròļi ùtru dìnu,
Dasabraucam garu kolnu.
Tymâ kolnu videņâ
Trejdeviņi spèļnìceņi.
Spèļnìceņi bòļeļeņi,
Kù tik jauki spèļèjat?
-Tù mòseņu spèļèjam,
Kur' nùvede tólìni.
-Braucam bròļi trešu dìnu,
Dasabraucam lielu cìmu.
Ap tù cìmu ùši, kļovi,
Saùļe vydû vyzuļò,
Saùļe vydû vyzuļò,
Vysi vòrti atslágóm.
Iztak divi jaunas meitas
Ar sudobra vaiņugím,
Iztecè, ìztecè,
Nikò loba nasacè.
Iztak divi jauni puiši
Ar sudobra zòbokím.
Pošu vede ustobâ,
Kumèļeņu stalleitî.
Paceļ maņ lìpas kráslu,
Pavelk maņ lìpas goldu,
Pavelk maņ lìpas goldu,
Izklój bolltu paladzeņu;
Izklójuši paladzeņu,
Izlìk Dìva mìlasteņu.
Éd i dzer tu, bòļeņ,
Lùkojis sov' mòseņu.
Es pazynu sov' mòseņu
Tautu golda gaļeņâ,
Séd gaļveņu nùkòruse,
Asareņas slaùceidama.
Oì, tu munu mìlu, mòs,
Kur tu tyki šâi zemêi?
-Oì, tu munu mìlù bròļ,
Jau es poša nazynòju,
Kai lapeņa attreisèju
Svešu ļaužu komonôs.
-Voj tu, munu mìlù mòs.
Brauks' uz tàvu, mòmuļeņu?
-Oì, tu munu mìlù bròļ,
Maņ pateik šai dzeivót.
Nùnes munai màmeņai
Symtu lobu vakareņu;
Ùtru symtu tèteitei
Par ļeìksteņas cèrtumeņu;
Munu zeiļu vaiņudzenu
Jaunókai mòseņai.

26515-1
Úgys, úgys, ryksti ryksti
Ļela ceļa maļeņâ;
Pa vínai izlaseju,
Da màmeņai staìgádama.

19951-4
Pìdzér's veìrs, kai viļceņš,
Guļ ceļeņa maļeņâ;
Soka lopsa, tacádama:
Na veìram ša guļét.

16906-0
Ej, mòseņ, aiz vòrteņu,
Atít tev treis gaškeņis:
Vína Laìma kòju autu,
Svàta Mòra goldu sagtu,
Treša Saùļeite ļeìgò,
Kumeļeņu sadlódama.

20934-0
Jòneišami daùdzi bàrnu,
Kai tam strauvis ? ubogam;
Cytu vede, cytu nese,
Cyts tecèja kòjeņóm.

7715-1
Ļìcít ìvu, nalauzít,
Lai ìviņa bollta zíd;
Precejít, navedít,
Lai mòseņa làdèjós.

780-4
Kò jiùs, meitas, tosnòjat,
Ka jiùs dzíšmu nadzídit?
Vaj jiùs kungi karâ dzyna,
Vaj rakstèja gròmotôs?
Jaunus puišus karâ dzyna,
Tùs rakstèja gròmotôs.

32019-5
Gotovs beju karâ ít,
Gotovs kara kumeļeņš,
Tòs dìneņas vín gaìdèju,
Kod zeìļeite ziņ' atnes.
Jau atgòja gròmateņa
Nu tús kara versinìku.
Kritu zyrgam mugurâ,
Jóju pats uz kara veìrím.
Atsavèru atpakaļ,
Kas péc mani gauži raud.
Raud tèteite, raud màmeņa,
Raud jaunò ļaudaveņa.
Mòmuļeņa gauži raud
Par šyùpeļa kòrumeņu;
Laùdaveņa veļ gaužók
Par vaiņuga nùjimšonu.