19652-1
Nùsadzéru soldon' ol's
Mozejâ cìmeņâ;
Cika tupu, cika ròpu
Da ciseņu daròpòju.

11907-0
Kam tí lobi ìvu zídi?
Kam tós lobas jaunas meitas?
Ìvu zídi smòrdam lobi,
Jaunas meitas tautòm lobas.

19469-1
Kòzys lelys, kòzys mozys,
Kòzys bàdu padarà:
Maņ apéda vucineņu
Pazeļteitím radzeņím.

25812-0
Soka tautas pracādamys:
Jaunys kļèts, ustabeņis,
Jaunys kļèts, ustabeņis,
Apļeik zaļi veituļeņi.
Ka izgòju tauteņôs,
Ni ir kļèšu, ustabeņu,
Ni ir kļèšu, ustabeņu,
Ni ir zaļu veituļeņu.

13646-20
Pìci dáli màmeņaI,
Vína meita malèjeņa.
Ej, màmeņ, pasaver,
Kù dor' tova malèjeņa;
Vaļâ lúgi, vaļâ dur's,
Naryuc vaìra dzèrnaveņas
-Kù dorat niu, déļeņi,
Aunités zòbokûs,
Aunités zòbokûs,
Veļcités kažukûs,
Veļcités kažukûs,
Lìcit zamša capureites,
Lìcit zamša capureites,
Sadlòjit kumèļeņus.
-Braucam bròļi vínu dìnu,
Nikò loba naredzèjóm.
Braucam bròļi ùtru dìnu,
Dasabraucam garu kolnu.
Tymâ kolnu videņâ
Trejdeviņi spèļnìceņi.
Spèļnìceņi bòļeļeņi,
Kù tik jauki spèļèjat?
-Tù mòseņu spèļèjam,
Kur' nùvede tólìni.
-Braucam bròļi trešu dìnu,
Dasabraucam lielu cìmu.
Ap tù cìmu ùši, kļovi,
Saùļe vydû vyzuļò,
Saùļe vydû vyzuļò,
Vysi vòrti atslágóm.
Iztak divi jaunas meitas
Ar sudobra vaiņugím,
Iztecè, ìztecè,
Nikò loba nasacè.
Iztak divi jauni puiši
Ar sudobra zòbokím.
Pošu vede ustobâ,
Kumèļeņu stalleitî.
Paceļ maņ lìpas kráslu,
Pavelk maņ lìpas goldu,
Pavelk maņ lìpas goldu,
Izklój bolltu paladzeņu;
Izklójuši paladzeņu,
Izlìk Dìva mìlasteņu.
Éd i dzer tu, bòļeņ,
Lùkojis sov' mòseņu.
Es pazynu sov' mòseņu
Tautu golda gaļeņâ,
Séd gaļveņu nùkòruse,
Asareņas slaùceidama.
Oì, tu munu mìlu, mòs,
Kur tu tyki šâi zemêi?
-Oì, tu munu mìlù bròļ,
Jau es poša nazynòju,
Kai lapeņa attreisèju
Svešu ļaužu komonôs.
-Voj tu, munu mìlù mòs.
Brauks' uz tàvu, mòmuļeņu?
-Oì, tu munu mìlù bròļ,
Maņ pateik šai dzeivót.
Nùnes munai màmeņai
Symtu lobu vakareņu;
Ùtru symtu tèteitei
Par ļeìksteņas cèrtumeņu;
Munu zeiļu vaiņudzenu
Jaunókai mòseņai.

32019-5
Gotovs beju karâ ít,
Gotovs kara kumeļeņš,
Tòs dìneņas vín gaìdèju,
Kod zeìļeite ziņ' atnes.
Jau atgòja gròmateņa
Nu tús kara versinìku.
Kritu zyrgam mugurâ,
Jóju pats uz kara veìrím.
Atsavèru atpakaļ,
Kas péc mani gauži raud.
Raud tèteite, raud màmeņa,
Raud jaunò ļaudaveņa.
Mòmuļeņa gauži raud
Par šyùpeļa kòrumeņu;
Laùdaveņa veļ gaužók
Par vaiņuga nùjimšonu.

21046-1
Šùgod kòzys, šùgod kòzys,
Z cytu godu atkòzeitis:
Šùgod vežu bròļam sìvu,
Cytu godu pate íšu.

24610-2
Nezgrìž spùļeite
Bez skrìmisteņa,
Naíšu, naíšu
Bez bòļeļeņa.
Kas munu vaiņugu
Atpakaļ atvezs?
Vacókais bròļeits
Atpakaļ atvezs.
Bròļeiti mìlù,
Kur lyki vaiņugu?
-Nùnešu, atdevu
Vydyskai mòsai.
-Mòseņi mìlù,
Kur lyki vaiņugu?
-Nùnešu, ìlyku
Mameņai kļèpî
-Mameņ mìlù,
Kur lyki vaiņugu?
-Nùnešu, ìlyku
Ròžeņu dòrzâ.
Tai soka ròžeņas,
Tai magatkeņas:
Nùvede, nùvede
Zídu traucèju,
Zídu traucèju,
Sakņu ļéjèju;
Nùvede, nùvede
Na uz dìneņas,
Na uz dìneņas,
Na uz stundeites,
Nùvede, nùvede
Uz vysa myuža.
Jau munas ròžeņas
Apveìtušas,
Nava jau, nava
Léjejiņas.

33606-2
Pìséju kumeli
Pi veituļeņa,
Pabèru auzu
Kumeļam,
Ìlyku sìneņa
Radeļôs,
Ìtaku nomâ,
Ustobâ.
Tóds gùds nomâ,
Tóds ustobâ:
Raud tàvs, raud mòte,
Raud bòļeļeņi.
Istaku órâ
Raudódama,
Ìlàcu komonôs
Dzídódama,
Pòrbauču bòļeņu
Teìrumeņu.
Pastótu íveņu
Siļeņa golâ,
Lai aug kupla,
Lai zíd bollta.
Ídama tautôs
Nùlaužu zoru,
Pasytu zam bolltu
Vylnòneiti.
Ìgòju tauteņu
Ustobâ,
Pabèru zìdeņu
Zylu i zaļu.
Niu sóka tauteņis
Vaìcótís:
Kas tùs, kas tùs
Zídeņus bèra?
Navaìcoi, tauteņis,
Es pate bèru.
Paga, paga, tauteņis,
Na breìvi byus!
Nu kura zídeņa
Pa symtam mórku,
Pa symtam mórku,
Pa dalderam.
Par muna vaiņuga
Nùjimšonu,
Par muna kauneņa
Redzéšonu.