21658-2
Borgys tàvys, mòmuļeņa,
Veļ borgam man' ìdeve;
Jau tù munu augumeņu
Bargi (Bardži) vín malldynò.

5042-0
Nòc, Dìveņ, nòc, Laìmeņ,
Bòrineiša gùdeņâ:
Ni jam tàva, ni màmeņis,
Kam gùdeņa gùdynót.
Pasaver tu, Laìmeņ,
Poš par lùgu ustobâ,
Kaidu jam gùdu taìsa
Par tù jò gòjumeņu.

23781-3
Klusa, klusa ustabeņa,
Koļš màmeņa vína beja;
Kó savede vedekļeņas,
Kó visteņas kladzynòva.

13650-1
Vakar mòte krùgâ dzéra,
Maņ' pòrdzéra zvejnìkam.
Šùdin tak bòļeļeņi
Jiùru molu raudódami.
-Ak, jiùs jiùru zvejnìceņi,
Redzejat myùs' mòseņu.
-Pìci bollti bòļeļeņi,
Kóda beja jiùs mòseņa?
-Skaista, bollta myùs' mòseņa,
Sorkons rùžu vainuceņš.
-Jam, bròļeit, úša laìvu,
Dzeņís mòsai pakaļê.
-Úša laìva smoga laìva,
Tej núgrima dybynâ.
-Jam, bròļeit, lìpa laìvu,
Dzeņís mòsai pakaļê.
-Pìcu ļeiču ļeikumâ
Séd mòseņa raudódama.
Sést, mòseņ, laìveņâ,
Brauksim obi atpakaļ!
Aiz žàluma navarèju,
Tì rùceņu vín padevu.
-Es nùíšu pavasar,
Ka iudiņs nùsaskrís,
Ka kùceņi salapós,
Ka kiùkós dzaguzeite,
Ka kiùkós dzaguzeite,
Ka trauks óru laksteigola.
Niu ar Dìvu, smolki kòrkli,
Vaìra jiùsu nalùcéšu;
Niu ar Dìvu, skaistas pučes,
Vaìra jiùsu naplyùkóšu;
Niu ar Dìvu, bròļi, mòsas,
Vaìra jiùsu naaudzéšu;
Niu ar Dìvu, tàvs ar mòti,
Vaìra jiùsu naklaùséšu.
Dìveņ, tovu lykumeņu,
Laimeņ, tovu laidumeņu:
Atstój sovu tàv' ar mòti,
Ít ar svešu cilvèceņu,
Tai nameìl tàvs ar mòti,
Kai meìl svešs cilvèceņš.

447-3
Nasaklaùş', bròļeļeņ,
Kur dzíd maitas pavasar:
Cyta dzíd ganédama,
Cyta gorsas laseidama.

24133-2
Moza muna ustabeņa
Kai ceìruļa perekļeits,
Nikur beja danča vest,
Ni zùbyna vàcynót.

15274-0
Na ar vínu auzas skoru
Izbaròju kumèļeņu;
Na ar vínu jójumeņu
Sev atvežu ļaùdaveņu.

23955-0
Ka dzeivoju pi màmeņis,
Kai pupeņa gaļdèjús;
Ka izgòju tauteņôs,
Kai lapeņa taurèjús.

17172-0
Ļìļejós šis svòteņš
Slaiki šò kumèļeņi.
Vaìrók muna kuçe slaika,
Kó tì tavi kumèļeņi.

21185-0
Bòļeņ, tova ļaùdaveņa
Nastòvèja cyùku ganis;
Ka tu munu redzèjis,
Kó sorkona bryuklìneite.