4377-2
Vaicoj saùļeite làkdama:
Voj mozgòjís, bòriņeit?
Jau, saùļeit, mozgòjús
Gaùdejôs osorôs.

13352-0
Bédžu, bédžu nu tauteņu,
Kritu lozdu kriùmenî.
Tev, lazdeņ, plotas lopas,
Apsedz munu augumeņu.

7064-0
Tymsâ sprèžu, naredzèju,
Kaids izgòja, taidu laižu;
Ka nù Dìva veseļeiba,
Mugareņa sanosós.

13646-20
Pìci dáli màmeņaI,
Vína meita malèjeņa.
Ej, màmeņ, pasaver,
Kù dor' tova malèjeņa;
Vaļâ lúgi, vaļâ dur's,
Naryuc vaìra dzèrnaveņas
-Kù dorat niu, déļeņi,
Aunités zòbokûs,
Aunités zòbokûs,
Veļcités kažukûs,
Veļcités kažukûs,
Lìcit zamša capureites,
Lìcit zamša capureites,
Sadlòjit kumèļeņus.
-Braucam bròļi vínu dìnu,
Nikò loba naredzèjóm.
Braucam bròļi ùtru dìnu,
Dasabraucam garu kolnu.
Tymâ kolnu videņâ
Trejdeviņi spèļnìceņi.
Spèļnìceņi bòļeļeņi,
Kù tik jauki spèļèjat?
-Tù mòseņu spèļèjam,
Kur' nùvede tólìni.
-Braucam bròļi trešu dìnu,
Dasabraucam lielu cìmu.
Ap tù cìmu ùši, kļovi,
Saùļe vydû vyzuļò,
Saùļe vydû vyzuļò,
Vysi vòrti atslágóm.
Iztak divi jaunas meitas
Ar sudobra vaiņugím,
Iztecè, ìztecè,
Nikò loba nasacè.
Iztak divi jauni puiši
Ar sudobra zòbokím.
Pošu vede ustobâ,
Kumèļeņu stalleitî.
Paceļ maņ lìpas kráslu,
Pavelk maņ lìpas goldu,
Pavelk maņ lìpas goldu,
Izklój bolltu paladzeņu;
Izklójuši paladzeņu,
Izlìk Dìva mìlasteņu.
Éd i dzer tu, bòļeņ,
Lùkojis sov' mòseņu.
Es pazynu sov' mòseņu
Tautu golda gaļeņâ,
Séd gaļveņu nùkòruse,
Asareņas slaùceidama.
Oì, tu munu mìlu, mòs,
Kur tu tyki šâi zemêi?
-Oì, tu munu mìlù bròļ,
Jau es poša nazynòju,
Kai lapeņa attreisèju
Svešu ļaužu komonôs.
-Voj tu, munu mìlù mòs.
Brauks' uz tàvu, mòmuļeņu?
-Oì, tu munu mìlù bròļ,
Maņ pateik šai dzeivót.
Nùnes munai màmeņai
Symtu lobu vakareņu;
Ùtru symtu tèteitei
Par ļeìksteņas cèrtumeņu;
Munu zeiļu vaiņudzenu
Jaunókai mòseņai.

4980-0
Dúd, Dìveņ, bòriņam
Dìvu rast ceļeņî,
Dìvu rast ceļeņî,
Laìmu ceļa gaļeņî.

33717-0
Sper, Pàrkiuņ, sausu kùku,
Ļìç zaļam salopót;
Sùdei, Dìvs, ļaùnus ļaud's,
Ļìç lobím padzeivót.

26515-1
Úgys, úgys, ryksti ryksti
Ļela ceļa maļeņâ;
Pa vínai izlaseju,
Da màmeņai staìgádama.

28050-2
Manis deļ, bòļeļeņi,
Ni arit, ecèjit,
Muni rudzi, muni mìži
Leìgoi tautu teìrumâ.

552-5
Treiş putņeņi skaiški dzíd,
Smolku lozdu kryùmeņâ;
Treiş mòşeņis dreìži roksta,
Pí lúdzeņa sádádamys.
Vína muna mòsa beja,
Ùtra bròļa ļaùdaveņa;
Jau tej treša eìstyn sveša,
Tej maņ kryta pròteņâ.
Aş jaj devu sovu rùku,
Sovu zalta gredziņeņu.

29384-1
Sasadzyna treju gonu
Vín' óreņu maļeņâ:
Vínu kungu, ūtru tautu,
Trešu munu bóļeļeņu.