33639-7
Ļelu şèju rùžu dòrzu,
Ar kú daìļi puškótís;
Nu tò ļela şèjumeņa
Vína poša izauguşe.
Deļ tós vínas skaistas rùžas
Dej maņ augstu sadu peit;
Deļ tós vínas tautu meitas
Dej maņ garu çeļu jót,
Dej maņ garu çeļu jót,
Svídrét (Sveidét) sovu kumèļeņu.
Kumèļam svídri byra,
Dèrst maņ gaudas asareņas.
Jamu sovu zyrga deči,
Slaùku svídrus kumèļam;
Jamu sovu šolka (zeìda) skustu,
Slaùku gaudas asareņas.
Da pusçeļa nadajóju,
Dzèržu ļaudis runòjùt,
Dzèržu ļaudis runòjùt,
Ļaùdaveņa atsokùt.
Naklaùşeišu ļaužu mèlu,
Jóšu pots pasavàrtu.
Da vòrteņu vín dajóju,
Redzu sovu dzaltòņeiti,
Redzu sovu dzaltòņeiti
Par pogolmu pòrtakùt,
Par pogolmu pòrtakùt,
Bolltas rùkas lauzèjùt (vàdynùt).
Stìp rùçeņu, grìz muteiti,
Byusi muna ļaudaveņa.
Jej rùçeņu gon pastìpe,
Bet muteites napagrìze.
Nacíš es nùsabeidu,
Ka tu taida lapna meita;
Zynu çeļu, varu jót
Veļ cytâ cìmeņâ,
Veļ cytâ cìmeņâ,
Kur aug skaistas dzaltòņeites,
Kur mameņa devejeņa,
Kur meiteņa gòjèjeņa.
-Jój uz sàtu, gan' tu cyùkas
Tova tàva teìrumâ;
Maņ atjós veļ lobóks
Ar sukótu (barótu) kumèļeņu.

28545-1
Ej tu poša, saimineica,
Juma jimtu teìrumâ;
Ka naísi poša jimtu,
Guļés jums teìrumâ.

33640-2
Şeši jauni stabuļnìki
Jój pa çeļu spàládami,
Visim şešim şèrmi zyrgi,
Visim cauņu capureites.
Vysi şeši sajójuši
Ap tú munu rùžu dòrzu.
Séžu rùžu dòrzeņâ,
Veju rùžu vaiņuçeņu.
Divi soka: byusi muna!
Ùtri divi:nabyus tova!
Treši divi làc nu zyrga,
Dúd maņ zalta gredziņeņu.
Ìdavuši pasaçèja:
Nosoi gudri,tautu meita,
Ka vaìcós tàvs ar mòti,
Sok', bòļeņi ìdavuši,
Ka bòļeņi pavaìcós,
Sok', zemè pacáluşe,
Sok',zemè pacáluşe,
Rùžu dòrzu ravádama.

13116-0
Smèrti, smèrti, kò tu gaìdi,
Jem vacùs pa nogím,
Lai palyka jaunejím
Plota vìta plateitís.

4355-1
Jauni vín, jauni vín,
Kù mes jauni darésim?
Jimsim saùļis atspaideņu,
Atspíssim vacókùs.

4196-1
Úgas, úgas, rìksti, rìksti
Ļela ceļa maļeņâ;
Ni tòs úgas, ni tì rìksti,
Tòs bòriņu asareņas.

30987-3
Màmeņ milò, màmeņ jaukò,
Maņ gaļveņa gauži sóp.
Palaid mani pastaìgótu
Uz tim jiùru ļeiçeišim.
- Meiteņ milò, meiteņ jaukò,
Eş nalaizšu tevis vínas.
Ved tu sovu eìstù mòsu
Ar şevim ļeìdz staìgótu.
- Eş navezšu eìstós mòsas
Ar şevim ļeidz staìgótu,
Jei nùrauş t pučeiti,
Kur' zíd jiùru ļeiçeitî.
Màmeņ milò, mameņ jaukò,
Maņ gaļveņa gauži sóp.
Palaid mani pastaìgótu
Uz tim jiùru ļeiceišim.
- Meiteņ milò, meiteņ jaukò,
Eş nalaizšu tevis vínas.
Ved tu sovu eìstù bròļi
Ar şevim ļeìdz staìgótu.
- Eş navezšu eìstò bròļa
Ar şevim ļeidz staìgótu,
Jis šaùdèja jiùru putnus,
Mani vínu jis atstója.-
Niu ar Dìvu, tàvs ar mòti,
Jau eş vaìra naklaùşèšu;
Niu ar Dìvu, bròlş ar mòsu,
Jau eş vaìra naredzéšu;
Niu ar Dìvu, zaļas pļovas,
Jau eş vaìra naslìdéšu;
Niu ar Dìvu, skaistas puçes,
Jau eş vaìra nanosóšu:
Jiùru dyuņe, jiùru akmiņş
Munas golvas spiļviņeņš.

10248-0
Maņ màmeņa pìsacè:
Meiteņ, puìšu namìloi!
Puìseits séd komonôs,
Maņ acteņis dedziņ dag.

13659-1
Nu kò beja lyuku pļést,
Moza lìpu atlaseite;
Par kù beja naudu dút,
Moza cìma dzaltoneite.

33592-2
Kò tej meiteņa
Dzàltoním motím?
Vagara meiteņa
Dzàltoním motím.
Steìdzís, puìşeit,
Byus jej tova.
-Man taida puişeiša
Voti navajaga,
Maņ pošai staļļeitî
Sèrms kumeļeņš,
Tù jiudžu, tù brauču,
Tù dancynòju,
Tam devu auzeņu
Paşejódama,
Tam nešu iudeņa
Solt'ulúteņa,
Tam taìsu tiļteņu
Nu rùžu lopu.
Ti brauça kundzeņi,
Ti stòrosteņi,
Tì muni bòļeņi
Maršeņas veda,
Tur meta cimdeņus,
Tur ņèzdauçeņus.