15154-2
Kupla līpa óreņôs,
Na ar nazi nùgrížama;
Vína meita màmeņai,
Na kollpam zadynót.

14692-10
Lela myrda sasáduşe
Dižanùs, ražanùs;
Kur, mameņ, es şédéšu
Es nabeju tik dižana?
-Şéd', meitiņ riņdiņâ,
Pošâ rindys galiņâ,
Ís tautiņis, jims nu gola,
Na nu vyda laşeidamys.

16620-0
Eş bej vína vínaļeņa,
Man deveņi bròļeļeņi;
Dzelžím munu peùru kola,
Vyzuļím vainaçeņu.

13250-31
Leìgò, laìva, uz eudiņa,
Iz oròja meitiņóm!
Tur man tyka, tur man tyka,
Tur man dzeive naapnyka.
Oròjam daìlys meitys,
Zèdželeišu audèjeņis.
Vína vèrpe, ùtra aude,
Trešò roksta zeìdauteņu.
Man, màmeņ, tù meiteņu,
Kura roksta zeìdauteņu.
-Es nadevu tós meiteņis,
Tej man poša jaunókò.
-Ka nadevi tós meiteņis,
Es nùmyru žalobóm.
Kur jeùs mani globóşet,
Meitu bàdu nùmyrušu?
-Bollt' rùzeišu dòrzeņâ
Zam rùzeišu lapeņóm.
Tur izauga kupla rùze
Deveņim žuburim.
Tur tós jaunys meitys gò
Ik sastdìnis krùņu peitu.
Nùpynuš, nùvejuš,
Saít Mòrys bazņeicâ.
Praşej' Mòra raudódama:
Kur meiteņis taidu jème?
-Reìgâ pèrku, naudu devu,
Vòczemê kalldynavu.
-Kù jiùs, meitys, malòjat,
Tys navá Reìgys krùņş,
Tej ir zàna dvèşeleite,
Meitu bàdóm myruşe.

16009-2
Puškòjís, bròļeļiņ,
Ar úzola lapiņóm,
Ka nadevi mòsiņai
Puču şèt dòrziņâ.

22308-3
Saçejós mòmuļeņa
Vinòtņê ìdavuşe,
Es saùļeitis narèdzèju
Aiz dìveru capureišu.

9641-7
Pateìk maņi Krìva borda,
Pateìk Krìva capureite;
As byutuli Krìva sìva,
Kad màmeņa atdavuşe.

19469-9
Kòzys lylys, kòzys mozys,
Kòzys škòdi padarèja:
Kòzu deļ as nùkovu
Pat' lobù siveņeņu.

23261-2
Gaismeņis vín gaìdèju,
Iz zùbyna pazaspíd's;
As redzèju kara mòti
Skuju putru vòrèjùt.

23617-1
Dálu mòtis ustabiņa
Driksniņóm, skaidiņóm;
Meitu mòtis ustabiņa
Dzeipuriņu gaļiņím.