4005-7
Var pazeìt tù çeļeņu,
Kur bòriņam pòrtacáts:
Bosys kòjis, dziļi pádi,
Pylni gaùdu asareņu.

9716-3
Pùrâ dzartu es naišu,
Pùrâ ryugti kukaineiši;
Aiz atraiša es naíšu
Bòrineišu ryudynótu.

33403-0
Troka bòba pìdzáruşe,
Syùta suni lyuku plástu.
Ít suneits raudódams,
Asareņis slaùçeidams.

13263-0
Gaismeņai austùt
Saùļeitei làcùt,
Vaì agri, agri saùļeitei làcùt!
Jau jaunais puìškins
Zyrgus sedlòja,
Vaì agri, agrì zyrgus sadlòja!
Zyrgus sadlòja,
Tòļi dùmòja,
Vaì agri, agri tòļi dùmòja!
Jóšu es, jóšu
Uz ļelu cìmu,
Vaì agri, agri uz ļelu cìmu!
Uz ļelu cìmu,
Uz jaunu meitu,
Vaì agri, agri uz jaunu meitu!
Tev, jaunais puìškins,
Treis sadi prìškâ,
Vaì agri, agri treis sadi prìškâ!
Pyrmejâ sadâ
Kiùkoi dzaguze,
Vaì agri, agri kiùkoi dzaguze!
Ùtrejâ sadâ
Syt laksteigola,
Vaì agri, agri syt laksteigola!
Trešejâ sadâ
Sèd jauna meita,
Vaì agri, agri sèd jauna meita!
Tev, dzaguzeite,
Óriski bàrzi,
Vaì agri, agri óriski bàrzi!
Tev, laksteigola,
Mallnòs upines,
Vaì agri, agri mallnòs upines!
Tev, jaunò meitiņa,
Svešò puseite,
Vaì agri, agri svešò puseite!
Borga mòteica
Špetna mòseica,
Vaì agri, agri špetna mòseica!
Atslàgas svìde
Zam tovóm kòjóm,
Vaì agri, agri zam tovóm kòjóm!
Atslágas svíde,
Bardži lomòja,
Vaì agri, agri bardži lomòja!

10535-4
Pròteņš šurrpu, pròteņš turrpu,
Pròtam vaļas es nadevu;
Naredzèjs pròta deļ
Augumam kaunu ņest.

4134-0
Na vysòm erbeitèm
Spórnu goli pazelteiti;
Na vysim bèrneņim
Sovys tàvs, mòmuļeņa.

32109-1
Mòte sovu eìstù dálu
Kara vèiru audzynò.
Tàvs sadlòja kumèļeņu,
Mòte júze zùbineņu.
Mòmuļeņa pavaìcòja:
Kod, déļeņ, sàtâ jósi?
- Tod, mameņ, sàtâ jóšu,
Kod zaļósi sàtas mìti,
Kod akmiņs vers iudiņs,
Kod grims spollva dybynâ.

6272-7
Jauni puìši nùmèrdami,
To sasaraun, to izastìp;
Tù jim dora jaunas meitas,
Jaunu meitu gredzineņi.

957-5
Dzísmis dèļ jius, ļauteņi,
Inaideņa naceļit:,
Dzísmeit muna kai dzídóta,
Na tej muna paraksteita.

22161-0
Vagys, vacys tautu dàls,
Jau puškeņas apbyrušas;
Es sovai mòseņai
Niùļe jaunas darinòju.