29756-7
Jauni puìši, kumèļeņa
Pi mìteņa nasìnit;
Sìnit sylâ pi prìdeites,
Lai skaņ siļeņš, ka donncò.

4758-1
Voì, Dìveņ, navar vaìra
Ni rùceņu pacylót!
Tò vòrdeņa nadzèrdèju:
Atsasést, atsapyut,
Atsasést, atsapyut,
Muna vaca mòmuļeņa.

17311-0
Mìli mameņa aùklèja,
Mìli kòra šyùpuļeiti;
Raudódama pavadèja
Borgejôs tauteņôs.
Ka lobók tù dìneņu
Zam egleites pasédèjus',
Na gòjuse bazneicâ,
Na mejuse gredziním.

25422-0
Vysu dìnu maršas gaìdu,
Plotas jústas gribádama;
Man ìdeve kačpédeņu,
Pomeļnìka sìnamù.

23788-0
Kùmeņóm mòseņóm,
Tòm slavéte loba sliv;
Ìtaļém nabadzém,
Tòm zudiņ pazuduse.

33577-0
Es beju meiteņa
Kai irubeite,
Mócèju tauteņas
Kairinót.
Pačitu, pačitu
Par pagaļmeņu,
Ìtaku kļèteņâ
Pi maršeņas.
Maršeņ mìlò,
Glaùd' munu gaļveņu!
-Naglaùzšu, naglaùzšu,
Kam borgi dzeivoi.
-Pačitu, pačitu
Par pagaļmeņu,
Ìtaku kļèteņâ
Pi mameņas.
Mameņi mìlù,
Glaùd' munu gaļveņu!
Saglaùde gaļveņu,
Sapyna bizeiti.
Vaìcòja mameņa
Pi meitineitis:
Meiteņi mìlù,
Voj lobs kartnìks?
-Mameņi mìlò,
Nalobs, nalobs,
Dìnu, nakti dzer krùgâ,
Uz sàtu neatít,
Kad atít uz sàtu,
Syt munu gaļveņu.
-Ka jis i dzartu,
Ka aizsareitu,
Ka jis i kartótu,
Ka prosamastu,
Ka jis ítu uz sàtu,
Ka neatítu!
-Mameņi mìlò,
Nalòdi, nalòdi,
Tu šudin te esi,
Reitâ nabyusi,
Maņ sovs kartnìks
Vysam myužam,
Vysam myužam,
Vysómi dìnóm.
Ka jis i dzartu,
Ka neaizsareitu;
Ka jis i kartótu,
Ka neprosamastu;
Ka ítu uz sàtu,
Ka atítu.
Vaìcòja meiteņa
Pi irubeites:
Irubeit mòseņ,
Voj labi pùrâ?
-Meitineit mìlò,
Nalobi, nalobi,
Atíti rudiņs,
Merkst munas kurpétes,
Merkst munas kurpétes,
Salst munas kòjeņas,
Atskreja putneņi,
Izlosa údzeņas.

4093-0
Lobók maņ prìde, egļe,
Na kai sveša mòmuļeņa;
Zam prìdeiti, zam egļeiti
Kai zam mòtis vylnoneiti.

28988-4
Édit, gúvs, púra zóli,
Dzerit pùra iudisneņi,
Lai nasoka sveša mòte,
Ni ádušys, ni dzárušys.

33619-0
Es nùgòju uz olùtu,
Nùsaveju vaiņuceņu,
Radzu divi muìžas puìšus
Sèrmím zyrgím atjójùt.
Dojój klót, pìsín zyrgus,
Nùraun munu vaiņuceņu.
Es raudót, es žàlót
Sova skaista vaiņuceņa.
- Naraud gaùži, nažàlòji,
Es tev dúšu pusi muìžas.
- Es nagribu pusi muìžas,
Atdúd munu vaiņuceņu!
Es raudót, es žàlót
Sova skaista vaiņuceņa.
- Naraud gaùži, nažàlòji,
Es tev dúšu vysu muìžu.
- Es nagribu vysas muižas,
Atdúd munu vaiņuceņu!
Es raudót, es žàlót
Sova skaista vaiņuceņa.
- Naraud gaùži, nažàlòji,
Byusi muna ļaùdaveņa.
- Naraudóšu, nažàlóšu,
Byušu tova ļàudaveņa.

34351-1
Jój, bòļeņ, garu ceļu,
Jem lazdeņu rùceņâ:
Vysi kùki bļèņas dora,
Lozda bļèņu nadarèja.