21658-2
Borgys tàvys, mòmuļeņa,
Veļ borgam man' ìdeve;
Jau tù munu augumeņu
Bargi (Bardži) vín malldynò.

5042-0
Nòc, Dìveņ, nòc, Laìmeņ,
Bòrineiša gùdeņâ:
Ni jam tàva, ni màmeņis,
Kam gùdeņa gùdynót.
Pasaver tu, Laìmeņ,
Poš par lùgu ustobâ,
Kaidu jam gùdu taìsa
Par tù jò gòjumeņu.

23684-2
Dìvers màršu ryudynò,
Sudabreņa vaìcódams.
Tik, dìver, sudabreņa,
Kai munâ vaiņukâ.

26978-1
Es sovam veìreņam
Prìškas kòjas apkaustèju:
Uz krùdzeņu staìgōdams,
Lai purneņa naizdaùza.

23781-3
Klusa, klusa ustabeņa,
Koļš màmeņa vína beja;
Kó savede vedekļeņas,
Kó visteņas kladzynòva.

5333-1
Mozu munu mozumeņu,
Seiku munu seikumeņu:
Kur ļaudim kòjas mèrka,
Tî maņ mèrka vyllnòneite.

17485-0
Kumeļam laba daba,
Tas neraud pārdodot;
Gauži raud mūs' māsiņa,
Tāl' tautâs aiziedama.

29028-2
Raibas vien man gotiņas
Ziedojàm kājiņàm,
Nedrīksteju purvâ dzīt,
Lai ziediņi nenobira.

13650-1
Vakar mòte krùgâ dzéra,
Maņ' pòrdzéra zvejnìkam.
Šùdin tak bòļeļeņi
Jiùru molu raudódami.
-Ak, jiùs jiùru zvejnìceņi,
Redzejat myùs' mòseņu.
-Pìci bollti bòļeļeņi,
Kóda beja jiùs mòseņa?
-Skaista, bollta myùs' mòseņa,
Sorkons rùžu vainuceņš.
-Jam, bròļeit, úša laìvu,
Dzeņís mòsai pakaļê.
-Úša laìva smoga laìva,
Tej núgrima dybynâ.
-Jam, bròļeit, lìpa laìvu,
Dzeņís mòsai pakaļê.
-Pìcu ļeiču ļeikumâ
Séd mòseņa raudódama.
Sést, mòseņ, laìveņâ,
Brauksim obi atpakaļ!
Aiz žàluma navarèju,
Tì rùceņu vín padevu.
-Es nùíšu pavasar,
Ka iudiņs nùsaskrís,
Ka kùceņi salapós,
Ka kiùkós dzaguzeite,
Ka kiùkós dzaguzeite,
Ka trauks óru laksteigola.
Niu ar Dìvu, smolki kòrkli,
Vaìra jiùsu nalùcéšu;
Niu ar Dìvu, skaistas pučes,
Vaìra jiùsu naplyùkóšu;
Niu ar Dìvu, bròļi, mòsas,
Vaìra jiùsu naaudzéšu;
Niu ar Dìvu, tàvs ar mòti,
Vaìra jiùsu naklaùséšu.
Dìveņ, tovu lykumeņu,
Laimeņ, tovu laidumeņu:
Atstój sovu tàv' ar mòti,
Ít ar svešu cilvèceņu,
Tai nameìl tàvs ar mòti,
Kai meìl svešs cilvèceņš.

447-3
Nasaklaùş', bròļeļeņ,
Kur dzíd maitas pavasar:
Cyta dzíd ganédama,
Cyta gorsas laseidama.