29150-0
Cyùka beda zaļu pļovu,
Zaļa vara gribádama;
Zaļa vara nadabò,
Tik vín pļovu samaitò.

13646-20
Pìci dáli màmeņaI,
Vína meita malèjeņa.
Ej, màmeņ, pasaver,
Kù dor' tova malèjeņa;
Vaļâ lúgi, vaļâ dur's,
Naryuc vaìra dzèrnaveņas
-Kù dorat niu, déļeņi,
Aunités zòbokûs,
Aunités zòbokûs,
Veļcités kažukûs,
Veļcités kažukûs,
Lìcit zamša capureites,
Lìcit zamša capureites,
Sadlòjit kumèļeņus.
-Braucam bròļi vínu dìnu,
Nikò loba naredzèjóm.
Braucam bròļi ùtru dìnu,
Dasabraucam garu kolnu.
Tymâ kolnu videņâ
Trejdeviņi spèļnìceņi.
Spèļnìceņi bòļeļeņi,
Kù tik jauki spèļèjat?
-Tù mòseņu spèļèjam,
Kur' nùvede tólìni.
-Braucam bròļi trešu dìnu,
Dasabraucam lielu cìmu.
Ap tù cìmu ùši, kļovi,
Saùļe vydû vyzuļò,
Saùļe vydû vyzuļò,
Vysi vòrti atslágóm.
Iztak divi jaunas meitas
Ar sudobra vaiņugím,
Iztecè, ìztecè,
Nikò loba nasacè.
Iztak divi jauni puiši
Ar sudobra zòbokím.
Pošu vede ustobâ,
Kumèļeņu stalleitî.
Paceļ maņ lìpas kráslu,
Pavelk maņ lìpas goldu,
Pavelk maņ lìpas goldu,
Izklój bolltu paladzeņu;
Izklójuši paladzeņu,
Izlìk Dìva mìlasteņu.
Éd i dzer tu, bòļeņ,
Lùkojis sov' mòseņu.
Es pazynu sov' mòseņu
Tautu golda gaļeņâ,
Séd gaļveņu nùkòruse,
Asareņas slaùceidama.
Oì, tu munu mìlu, mòs,
Kur tu tyki šâi zemêi?
-Oì, tu munu mìlù bròļ,
Jau es poša nazynòju,
Kai lapeņa attreisèju
Svešu ļaužu komonôs.
-Voj tu, munu mìlù mòs.
Brauks' uz tàvu, mòmuļeņu?
-Oì, tu munu mìlù bròļ,
Maņ pateik šai dzeivót.
Nùnes munai màmeņai
Symtu lobu vakareņu;
Ùtru symtu tèteitei
Par ļeìksteņas cèrtumeņu;
Munu zeiļu vaiņudzenu
Jaunókai mòseņai.

4980-0
Dúd, Dìveņ, bòriņam
Dìvu rast ceļeņî,
Dìvu rast ceļeņî,
Laìmu ceļa gaļeņî.

23010-0
Na cik gara kaņepeite
Mòlótâ kaļneņâ;
Na ļusteiga mums mòseņa,
Nùgòjuse tauteņôs.
Vaj (Ci) nu Dìva, vaj (ci) nu Laimas,
Nažèleigs oròjeņš.

4116-3
Škitu sovu tàvu, mòti
Cìmâ sárstu nùgòjušus;
Izadzynu gaņeidama,
Guļ zam zaļu veļeņeņu.
Çeļís, munu mòmuļeņ,
As paçeļu veļeņeņu.
- Nasaçeļšu niu, bèrņeņ,
Kóļeìdz saùļa debesîs.

6612-2
Cytas meitas gùdu gaìda,
Kaida gùda tu gaidèji?
Tu gùdeņu nùgùdèji
Sova tàva pyùneitê.

4225-2
Sveša mòte mani sauce,
Par pogolmu tacádama;
Es aiz vèja nadzèrdèju,
Aiz osoru naredzèju.

190-3
Lusteigu man' ìdava
Pi skumeiga tàva dála;
Kù as grybu ļeigsma byut,
Jis man'gauži ryudynòj'.

25508-1
Sirdím svížu lynu kraklu
Dziļâ pyùra dybynâ
Na pa pròtam man patyka
Lynu kraklu nosótojs.

1194-2
Aiz kú man plota golva?
Aiz kú daùdz volúdeņu?
Zímu dzymu vèputņûs,
Nùkristèja terga dìnâ.