4156-1
Ar Ļaudim nùsaméju,
Maļeņâ nùraudàju.
Nikas manis naredzè,
Kai es gauži nùraudòju;
Pìdrukneite vín redzè,
Kai osoras nùslaucèju.

16962-0
Lìpa lapeņu podauņ
Zam sovóm kòjeņóm!
Vaj byus teìra, vaj nateìra
Svešu ļaužu ustabeņa.

3979-3
Sasasáda div' atraitnes
Vínas laivas gaļeņâ;
Raud i vína, raud i ùtra,
Pyllna laìva asareņu.

7149-2
Adateņa smolkacteņa
Dórgu drébu šyvèjeņa;
Gunteņa dzekstaļeņa
Vysu calmu dedzejeņa.

29995-2
Teci, munu kumeļeņ,
Na súļeišus skaiteidams;
Es tev devu teìr' auzeņu,
Na saùvóm mèrédams.

33612-1
Íšu, íšu, te nabyušu,
Te naloba dzeive,
Griùti vorgi, sveši ļauds
Komoj munu sirdi.
Mallnò maize, tòs nabeja,
Tòs deļ manis žàloj'.
Íšu, íšu uz tàteiti,
Uz mìlù mameņu.
Pòrsagrízšu par dzagúzi,
Skrìš' uz tàva sàtu,
Aizkiùkóšu tàva sàtâ
Ar žèļeigu bolsu,
Moža mani tàvs izdzèrş,
Molltyvê molldams.
Tàvs muļeiti samola,
Manis naizdzèrda.
Aizkiùkòju ùtru reìzi
Ar žèļeigu bolsu,
Moža mani mòt' izdzèrş,
Vyllnòņeites auzdama.
Mòte vyllnòņes izauda,
Manis naizdzèrda.
Aizkiùkòšu trešu reìzi
Ar žèļeigu bolsu,
Moža mani mòsa izdzèrş,
Rózas stateidama.
Mòsa rózas pastatèja,
Manis naizdzèrda.
Aizkiùkóšu tàva sàtâ
Ar žèļeigu bolsu,
Moža mani bròļs izdzèrş
Pa dòrzu staìgódams,
Pa dòrzu staìgódams,
Obuļus ázdams.
Bròļeitş mani izdzèrda,
Pa dòrzu staìgódams.
"Ka tu esi muna mòsa,
Skrìņ uz munu sàtu,
Ka tu meža dzagúzeite,
Skrìņ uz mežu caùri"!
Raudòju, raudóšu
Par vysu myužu,
Koļeņ mani atšķèrs
Dìvs žèļeigs nu jiusu
Kad eş skrèju par jiùreņas,
Jiùras rozaļèja ?;
Kad eş skrèju par mežím,
Meži pazaļòja.

1174-3
Vysas dìneņas zynòju,
Treju vín nazynòju:
Dzymstamòs, mèrstamòs,
Ejamòs tauteņôs.

23380-4
Žagateņa čačinòja
Ustabeņas gaļeņâ;
Na tej beja žagateņa,
Tej bej dálu mòmuļeņa.

19951-4
Pìdzér's veìrs, kai viļceņš,
Guļ ceļeņa maļeņâ;
Soka lopsa, tacádama:
Na veìram ša guļét.

23047-5
Cerè mani tautu dáls,
Cik klépî neauklè;
Kai pajème, naìredz
Par pogolmu pòrejùt.