SĀKUMLAPA| PAR DAINU SKAPI| PALĪDZĪBA| ATSAUKSMES
Izvērstā meklēšana
Meklēja apriņķi Ludzas apr.
Rezultāti: 41 - 50 no 646
Meklēt vēl
22619-1
Kas var munu kumeļeņu
Bez ìmóvu dancynót?
Kas war munu ļaùdaveņu
Dorba deļ nycynót?
14047-4
Rudzi, rudzi, mìži, mìži
Niu pošâ pļaušonâ;
Bròļi, bròļi, jiùsu mòsa
Niu pòšâ vešonâ.
4506-2
Skaista zíd driču derva
Par vysóm derveņóm;
Skaista auga pastareite
Par vysóm mòseņóm.
33574-3
Paskrínu, pataku
Par pagalmeņu,
Ìskrínu kļètenî
Pi maršeņis.
Maršeņ mìlò,
Glaùd' manu gaļveņu!
-Naglaùzšu, naglaùzšu,
Kam borgi dzeivòji.
Paskrìnu, pataku
Par pagalmeņu
Ìskrínu kļètî
Pi mòseņas.
Mòseņ mìlò,
Glaùd' munu gaļveņu,
Saglaùdi gaļveņu,
Sapini bizeites,
Sapini bizeites,
Ìpini burteiti!
Paskrìnu, pataku
Par pagaļmeņu,
Ìskrínu kļètî
Pi màmeņas.
Màmeņi mìlò,
Sedz bolltas vylnònes!
Izsedz vylnònes
Bolltas un raibas,
Pabyra zídeņi
Kļèts videņâi.
Izauga pučeite
Kļèts videņâi.
Cik reitu brauce
Tautas puškótús.
Rauniti, tautas,
Na breìvi rausit,
Skaitit daļderus
Šo golda golâ
Tèteites rùkâ,
Mâmeņas kļèpî.
Ša tev, màmeņ,
Šyùpeļa nauda,
Šyùpeļa nauda
Par aùkļèjumu.
18360-8
Kur, siļeņ, tovys prìdis?
Cálmi vín siļeņâ;
Kur, màmeņ, tovys meitys?
Krásli vín ustobâ.
23193-1
Audzei, Dìvs, lelus lynus,
Veišu peìcku trejóm storóm;
Lai es byušu na vadakla,
Ka mòteicys napeìckóšu.
29269-5
Rìt, saùļeit rìteidama,
Nastòv' kùka gaļeņâ,
Jau pìkusa mozi goni,
Vaìra mozi oròjeņi.
20244-0
Jòņeišam ļeikas kòjas,
Kai tam pùra valnànam:
Par sokòrņam izlauzèja,
Péc meitiņu skraideidams.
22662-3
Tec, vòrpsteit, skaneidama,
Jaùna tova sprèdèjeņa.
Tu, vòrpsteit, seņ taìséta,
Vakar vasta sprèdèjeņa.
107-2
Bèdeņis munys bèdeņis,
Kur man vysys pòrbàdót!
Lyku bàdu zam akmiņa,
Ímu pate dzídódama.
«1234567891011»
Meklēja apriņķi Ludzas apr.
Rezultāti: 41 - 50 no 646
Meklēt vēl
meklēt Dainu skapī