23788-0
Kùmeņóm mòseņóm,
Tòm slavéte loba sliv;
Ìtaļém nabadzém,
Tòm zudiņ pazuduse.

33577-0
Es beju meiteņa
Kai irubeite,
Mócèju tauteņas
Kairinót.
Pačitu, pačitu
Par pagaļmeņu,
Ìtaku kļèteņâ
Pi maršeņas.
Maršeņ mìlò,
Glaùd' munu gaļveņu!
-Naglaùzšu, naglaùzšu,
Kam borgi dzeivoi.
-Pačitu, pačitu
Par pagaļmeņu,
Ìtaku kļèteņâ
Pi mameņas.
Mameņi mìlù,
Glaùd' munu gaļveņu!
Saglaùde gaļveņu,
Sapyna bizeiti.
Vaìcòja mameņa
Pi meitineitis:
Meiteņi mìlù,
Voj lobs kartnìks?
-Mameņi mìlò,
Nalobs, nalobs,
Dìnu, nakti dzer krùgâ,
Uz sàtu neatít,
Kad atít uz sàtu,
Syt munu gaļveņu.
-Ka jis i dzartu,
Ka aizsareitu,
Ka jis i kartótu,
Ka prosamastu,
Ka jis ítu uz sàtu,
Ka neatítu!
-Mameņi mìlò,
Nalòdi, nalòdi,
Tu šudin te esi,
Reitâ nabyusi,
Maņ sovs kartnìks
Vysam myužam,
Vysam myužam,
Vysómi dìnóm.
Ka jis i dzartu,
Ka neaizsareitu;
Ka jis i kartótu,
Ka neprosamastu;
Ka ítu uz sàtu,
Ka atítu.
Vaìcòja meiteņa
Pi irubeites:
Irubeit mòseņ,
Voj labi pùrâ?
-Meitineit mìlò,
Nalobi, nalobi,
Atíti rudiņs,
Merkst munas kurpétes,
Merkst munas kurpétes,
Salst munas kòjeņas,
Atskreja putneņi,
Izlosa údzeņas.

4093-0
Lobók maņ prìde, egļe,
Na kai sveša mòmuļeņa;
Zam prìdeiti, zam egļeiti
Kai zam mòtis vylnoneiti.

9191-1
Es sovai Laìmeņai
Nalìk' dzert iudisneņa,
Lai dzer olu, lai dzer madu:
Jei man lyka lobu myužu.

30995-3
Pi ņidritiş laìvu şéju,
Pi auzeņis kumèļeņu.
Spruka laìva nu ņídreitis,
Nu auzeņis kumèļeņš.

15349-1
Vuškeņóm klàvu taìsu,
Lai nasola zìmeņâ;
Mòseņai vìtas raugu,
Lai naraud dzeivódama.

8154-7
Paga, paga, bòļeļeņ,
Gon es tevi pìminéšu:
Mani mozu molltu céļi,
Ļaùdaveņu guldynòji.

26524-3
Uz bròļím cìmâ brauču,
Ceļa labi nazynòju;
Strazdeņš maņ ceļu ròda,
Raùdiveite rosu trauce.

11381-1
Smolka beja syla zeme
Vínys reìzes ecèjumu;
Maņ patyka tautu meita
Vìnys reìzes redzèjumu.

26380-4
Zvìgušu zyrgu palaižu
Bolltejâ obulâ;
Raudušu mòsu pamešu
Tautu golda gaļeņâ.