5032-3
Svàta Mòra tèrgâ gòja,
Manis ļeìdza aicynòja.
Şev apşéja zalta jústu,
Maņ apşéja sudabreņa.
Tai saçèja apséjuşe:
Nosoi gudri, bòriņeit!
Kai izdzèrdu tús vòrdeņus,
Maņ pabyra asareņas.-
- Pavaìcòju uz Mòreņu:
Kur mozgót zeìžauteņu?
- Deveņôs upeitês,
Dasmytâ azarâ.
- Pavaìcòju uz Mòreņu:
Kur kaļtét zeìžauteņu?
- Deveņôs ļìpeņôs,
Dasmytâ úzulâ.
- Pavaìcòju uz Mòreņu:
Kur ruļļét zeìžauteņu?
- Zam bazņeicas zalta ruļļes,
Tí ruļļét zeìžauteņu.
- Pavaìcòju uz Mòreņu:
Kur nùlikt zeìžauteņu?
- Lìc pyùreņa dybynâ,
Myužam bàdas naredzési.

5775-1
Aiz Daugovas úzuļeņi
Rìpeitê saauguši;
Maņ pa vydu staìgòjút,
Zori róve vaiņuceņu.

13250-7
Izalaižu garu çeļu
Nasukótu kumèļeņu,
Grìžu çeļa maļeņâ,
Lai sukòja žagareņi.
Iztrauçèju cìma suni,
Iztak cìma dzaltòņeites.
Divi mani pati veda,
Treša munu kumèļeņu.
Ìvad pati ustobâ,
Paceļ Dìva mìlasteņu,
Lìk maņ ést, lìk maņ dzert,
Lìk maņ Dìvu pìmiņét.
Gona éžu, gona dzéru,
Gona Dìvu pìmiņèju.
Nùsavèru guládams,
Kù tós dora cìma meitas.
Vína auda, ùtra šyva,
Trešà roksta zeìžauteņu.
Ka nadúsit tós meiteņas,
Kura roksta zeìžauteņu,
Es nùmeršu bédeņâ.
Kur jiùs mani globósit,
Meitu bàdu nùmyrušu?
Apeiņéšu dòrzeņâ
Zam lúdzeņa kammbara.
Tí izauga ļela rùža
Deveņim zareņim.
Cik reiteņa jaunas meitas
Ít uz dòrzu puškótús.
Raunit, meitas, kù raunit,
Rùžai golvas naraunit,
Tei nabeja rùžas golva,
Tei bej dòrga dvèşeļeite.

11195-0
Erbe tak pa ceļeņu,
Cakuļeņu grùzeidama,
Mani jaunu kairinòja,
Lai es jamu ļaùdaveņu.

11111-12
Ísalaižu erbu šautu
Smolku lozdu kriùmeņâ.
Kuru šaut, kur' atstót,
Vysóm skaisti cakuļeņi.

29686-14
Var pazeit jaunu puìsi,
Jauna puiša kumeļeņu:
Pyllna mute smalku dzeļžu,
Tak gaļveņu grùzeidams.

25904-1
Bròļim labi, bròļim labi,
Bròļim leli teìrumeņi;
Labi maņ mòşeņai
Pùra molâ ustabeņa.

24041-0
Doncoj danci, kunga meita,
Kaņepèju krekleņâ;
Najims tevis kunga dáls,
Nasauks tevis gaspažeņis.

19664-1
Es aļteņu padarèju
Nu bèrzeišu pypureņu;
Muna sìva pìdzáruse,
Asti grìze grindzynâ.

5791-9
Syla molu tacádama,
Rùkâ nešu vainuceņu,
Lai i maņ nanùróve
Syla molas acátòji.