33625-15
Zynu, zynu bròļa sàtu,
Navajag vadeitòju:
Pi vòrtim úzuliņš
Meisteitim ? zariņim.
Pilni zori şeiku putnu,
Stradiņš şéd vèrsyuņè,
Stradiņš şéd vèrsyuņè,
Laksteigola pazaŗè.
Stradiņš soka dzídódams:
Kas tur brauc, zeme reib?
Atbrauc meusu tàva mòsa
Par deveņis vasariņis,
Par deveņis vasariņis
Ar deveņi kumèliņi.
Ìļeigòva tàva mòsa
Kó saùļeite ustobâ,
Sateçèje bròļa bàrni
Kó gaìgolys rùkys dút.
Še ir visi bròļa bàrni,
Pastareitis vín navá.
Pastareite aizteçèje
Upis molu raudódama,
Upis molu raudódama,
Ìvys zídus braùçeidama.
Ìvys zídus braùçejùt,
Nùkreit rùžu vaiņuciņš;
Vaiņuciņa mekļèjùt,
Nùkreit zalta gredziniņš;
Gredziniņa makládama,
Ìkreit poša upeitè.
Tej upeite napaņeşe,
Tej ìņeşe Daugovâ;
Daugaviņa napaņeşe,
Tej ìņeşe jeùriņâ;
Tej jeùriņa napaņeşe,
Tej izņeşe maliņâ.
Tur izauga kupla ļìpa
Deveņím zariņím.
Deveitâ zariņâ
Poši bròļi kùkļis šķéļe.
Soka bròļi kùkládami:
Gauži skaņ tós kùkļeitis!
Tó raud meusu pastareite,
Svešu zemi staìgódama.

30508-1
Sasasyta vòvereite
Ar obóm rùçeņóm,
Atroduşe medinìku
Sovu pàdu gaļeņâ.

33871-1
Naļej vaìra ļeita dìna,
Jau Saùļeite gauži raud;
Es atrodu gaņeidama
Divi Saùļis asareņis.

19657-1
Gòju kòju mèdžinótu,
Veļik kòjis golvu ņeşe;
Ka kòjeņis golvu ņeşe,
Golva ņeşe padùmeņu.

26499-1
Biteit, tovu vìglumeņu,
Tev naļeìka dóbuļeņš;
Mòşeņai tilti ļeìka,
Cìmót it bròļeņûs.

14401-0
Jójit, tautys, pogólmâ,
Metit zalta gabaļeņu,
Lai natreùka mameņai
Meužam jaunys maļèjeņis.

24749-1
Atmejam, dálu màt,
Kur vakar samejóm:
Še tev tava lupateņa,
Atdúd munu vainaçeņu.

5815-0
Daugovmolâ dziļa ļeja,
Sorkonbolltys rùzis zíd;
Tur meitiņa spúža şéd,
Leigódama krùni pyn.

32189-1
Tu, saùļeit, augsti teci,
Redzèj' munu bròļeļeņu?
- Capureiti vín redzèju
Kara vydu ļeìgòjùt.

8337-0
Atsasádu súliņâ
Preteim sovu pálòjeņu;
Vaìrók kauna pálòjam,
Na munam augumam.