5987-5
Maņ mòmeņa pìsaçeja,
Bez vaiņuka nastaìgót:
Ka navá cytu puķu,
Savej bàrza žagareņu.

26952-0
Dzáròjs munys veìrys beja,
As dzáròja ļaùdaveņa,
Kas svátdìņis sadzeram
Pa bolltai vyllnòņei.

33574-2
Eş beju zeìļeite,
Zeìļeites meita,
Izļèču uz zareņa,
Uz ùtora,
Uz treša lákdama
Ìraùgu tauteņas,
Deveņu rateņu,
Symts kumèļeņu.
Daeimu, dataku
Da bròļa vòrtu,
Atrùnu bròļeiti
Pi vòrtu stòveit(vùt).
Lyudzams bròļeit,
Sļédz vòrtus vaļê!
Atsļédze bròļeits
Raudódamys.
Daeimu, dataku
Da kļèteņai,
Atrùnu tèteiti
Pi kļètes stòveit.
Lyudzams, tèteit,
Sļédz kļèti vaļê!
Atsļédze tèteite
Raudódamys.
Daeimu, dataku,
Da teìneitei (skreìneitei),
Atrùnu màmeņu
Pi teìnes stòveit.
Lyudzama, màmeņ,
Sļédz teìni vaļê!
Atsļédze màmeņa
Raudódama,
Lai eş valkûs
Zídeņu kraklûs.
Pabyra zídeņi
Kļèts dybynâ.
Izauga lìpeņa.
Caùr kļètes jumtu.
Ídama tautôs
Nùlaužu zareņu,
Pasytu zam bolltas
Vylnòneites.
Ìgòju tauteņu
Ustobâi,
Pabyra zìdeņi
Taut' ustobâ.
Vaìcoi tauteņas,
Kas zídus nese.
Es poša zídeņu
Nesèjeņa.
Uz kura zídeņa
Pa daļderam,
Uz pošas nesèjas
Symts daļderéšu.

20937-0
Sakstagola jauni puìši
Sovys meitys šur atvede;
Myusu puìši pasavère,
Ni (I) pusgroša nasùlèja.

28902-7
Gùteņ munu reìbuļeit,
Kò maùravi vokorâ?
Vaj maùravi zalta klàva,
Vaj sudobra ļeìdereiša.
-Ni maùravu zalta klàva,
Ni sudobra ļeìdereiša,
Eş maùravu savys gaņis,
Ar sudobra slaùktiveiti.

5631-3
Skanádama pòrteçeju
Par bòļeņa pagalmeņu:
Skaņ zeìļeitis, skaņ pùdzeņis,
Skaņ vyzuļu vaiņuçeņš.

3733-4
Na daùdz zemiş as turèju,
Bòļeņûs dzeivódama:
Zam pyùreņa, zam krésļeņa,
Zam sovóm kòjeņòm.

17063-3
Vaj màmeņa zynódama
Bìzys aude vyllnòņeitis?
Iz Dybnòjas augsti kolni,
Solti vèji vàdynòja.

27955-0
Dìveņš gòja rudzu sàtu,
Svàta Mòra pabèržótu:
Zeìžu maisi, zalta sàkla,
Sudabreņa sàtiveite.

11437-2
Zíd ìveņa, na tó zíd,
Kó zíd óra obuļņeica;
Man mòšeņa na tó mèiļ,
Kó meìļ cìma dzaltoņeite.