29686-2
Ìsavèru vìn, pazynu
Jaunu puìšu kumèļeņu:
Pyllna mute seiku dzeļžu,
Tak gaļveņu grūzeidams.

9088-1
Bùr man bùris, zùg man zaglis,
Navar mani izpùsteit.
Bùram devu apšu sulys,
Zagļam augstys korotivis.

18974-1
Cìmâ gòja meùs' mòsiņa,
Tur nùgòja, tur palyka;
Atņesit, bròļeļiņi,
Meùs' mòsiņis vainaciņu.

17586-2
Soka bròļi izdúdami:
Ej, moşeņ, aizísim!
Ka mòşeņa izgòjuşe,
Sokós çeļa nazynùši.

11200-6
Ļauds man soka sìvu jemt,
Napasoka, kódu jemt.
Ka vacóka, bogòtóka,
Ka jaunóka, ta skaistóka.
Nùsajèmu vacu sìvu,
Ļela monnta grybádams.
Ni man monnta, ni man sìvys,
Ni jaukós dzeivóšanys.
Tik jaukós dzeivošonys,
Koļš kòzeņis nùkòzòvu.

6924-1
Teicu Dìva davumiņu,
Peļu savu natykumu:
Bollta vyllna grùziņâ,
Cìmâ taku vyllnòņeišu.

25338-3
Še, suņeit, kvìšu maìze,
Narej munu precinìku;
Še, mòsiņ, vyllnòneite,
Nadzer gaudu asareņu.

17832-0
Aiztec mani tu, Laimeņa,
Pušu tautu teirumâ.
Ka kòjeņis naspártum
Asareņu paļteņâ.

33625-6
Mòte gòja slùtu grístu
Ar pìcóm meiteņóm,
Tù pìktù mozókù
Raşeņâ sļeicynòva.
Nas raşeņa, napanas,
Ìmat jù upeitè;
Nas upeite, napanas,
Ìmat jù azarâ.
Nas azars, napanas,
Ìmat jù Daugavâ;
Nas Daugava, napanas,
Ìmat jù jiùreņôs.
Nas jiùreņis, napanas,
Izsyt viļņs maļeņâ,
Izsyt viļņs maļeņâ
Bolltu putu gobolâ.
Tí izauga kupla ļìpa
Jòs kòjeņu gaļeņâ.
Jau pazída tej ļìpeņa
Sudabreņa zídeņím.
Ít i kungi, ít i ļaudis,
Ni zareņa nanùlauž;
Atjój divi Dìva dáli,
Nùlauž pošu vèrsyuņéti,
Nùlauž pošu vèrsyuņéti,
Aizasprauž aiz capuris,
Aizasprauž aiz capuris,
Ìít Laìmis kammbarî
(Mórys bazņeiçâ).
Soka ļaudis vàrdamís:
Kaida kùka tì zídeņi?
Soka Laìme (Mòra) vàrdamós:
Tì nabeja kùka zídi,
Tì nabeja kùka zídi,
Tej ir dòrga dvèşeļeite,
Tej ir dòrga dvèşeļeite,
Raşeņâ sļeicynóta,
Raşeņâ sļeicynóta,
Pìc' iudiņu mozgòjama (izskolóta).

3180-1
Ik vokora laksteigola
Syt pùreņa maļeņâ;
Ik vokora mòmuļeņa
Maņa gauži nùraudava.