28476-3
Pļaunit, munas pļòvèjeņas,
Kauşu ózi vokorâ.
Ei, ózeit, nabàdoji,
Es pļòvèjas pamònèju.

28490-5
Tolka dzíd, tolka dzíd,
Saiminìks nùskumeigs:
Daùdz apéde, daùdz apdzéra,
Moz darbeņa padarà.

28487-5
Sveļmes smird teìrumâ,
Ir, kas dag sèteņâ:
Pošai tolkas saimneicai
Pus lyndraku sadagušu.

20790-0
Es pakòru ķèvis golvu
Sova cepļa dybynâ;
Jòneits skrà sumynótu ,
Sķita, muna ļaùdaveņa.

29684-0
Ìzalaižu garu ceļu
Nakausteitu kumèļeņu;
Kausta munu kumèļeņu
Smolki ceļa akmisteņi.

6123-0
Zyrgs zyrgâ, lùks lùkâ,
Vis' iz Reìgu aizļeìgòja,
Tai mòsai krùņa pèrktu,
Kur' deveņi bòļeļeņi.

33639-7
Ļelu şèju rùžu dòrzu,
Ar kú daìļi puškótís;
Nu tò ļela şèjumeņa
Vína poša izauguşe.
Deļ tós vínas skaistas rùžas
Dej maņ augstu sadu peit;
Deļ tós vínas tautu meitas
Dej maņ garu çeļu jót,
Dej maņ garu çeļu jót,
Svídrét (Sveidét) sovu kumèļeņu.
Kumèļam svídri byra,
Dèrst maņ gaudas asareņas.
Jamu sovu zyrga deči,
Slaùku svídrus kumèļam;
Jamu sovu šolka (zeìda) skustu,
Slaùku gaudas asareņas.
Da pusçeļa nadajóju,
Dzèržu ļaudis runòjùt,
Dzèržu ļaudis runòjùt,
Ļaùdaveņa atsokùt.
Naklaùşeišu ļaužu mèlu,
Jóšu pots pasavàrtu.
Da vòrteņu vín dajóju,
Redzu sovu dzaltòņeiti,
Redzu sovu dzaltòņeiti
Par pogolmu pòrtakùt,
Par pogolmu pòrtakùt,
Bolltas rùkas lauzèjùt (vàdynùt).
Stìp rùçeņu, grìz muteiti,
Byusi muna ļaudaveņa.
Jej rùçeņu gon pastìpe,
Bet muteites napagrìze.
Nacíš es nùsabeidu,
Ka tu taida lapna meita;
Zynu çeļu, varu jót
Veļ cytâ cìmeņâ,
Veļ cytâ cìmeņâ,
Kur aug skaistas dzaltòņeites,
Kur mameņa devejeņa,
Kur meiteņa gòjèjeņa.
-Jój uz sàtu, gan' tu cyùkas
Tova tàva teìrumâ;
Maņ atjós veļ lobóks
Ar sukótu (barótu) kumèļeņu.

7532-0
Skanét skaņ lynu kraklys,
Uz azara veļèjùt;
Gauži raud bòļeļenis,
Seikstu lynu devèjeņis.

28545-1
Ej tu poša, saimineica,
Juma jimtu teìrumâ;
Ka naísi poša jimtu,
Guļés jums teìrumâ.

10368-3
Nadú(d), Dìveņ, kólnâ kópt
Ar navèkli oròjeņu:
Pìkusu, kólnâ kópdama,
Navèkleiti stòdeidama.