33971-3
Saùļes meita jumpraveņa,
Meisimès vaiņukím;
Tovs bej zalta lapeņóm,
Muns sudobra zarením.

18121-2
Tóļi, tóļi nùskanèja
Sausa egļe, dzenèjùt;
Tóļi, tóļi nùļeìgò
Tiùlèjò dzáltòneite.

15623-3
Pavasar, na rudiņ,
Kollpam jemt ļaùdaveņu:
Sulu buca, gòrsu kotlys,
Vacu stìbru stabuļétes.

8155-2
Pasaveŗ, bròļeļeņ,
Koč par lúgu maļļtivê:
Es mozò maļejeņa
Pì ļelûs dzernaveņu.

13250-7
Izalaižu garu çeļu
Nasukótu kumèļeņu,
Grìžu çeļa maļeņâ,
Lai sukòja žagareņi.
Iztrauçèju cìma suni,
Iztak cìma dzaltòņeites.
Divi mani pati veda,
Treša munu kumèļeņu.
Ìvad pati ustobâ,
Paceļ Dìva mìlasteņu,
Lìk maņ ést, lìk maņ dzert,
Lìk maņ Dìvu pìmiņét.
Gona éžu, gona dzéru,
Gona Dìvu pìmiņèju.
Nùsavèru guládams,
Kù tós dora cìma meitas.
Vína auda, ùtra šyva,
Trešà roksta zeìžauteņu.
Ka nadúsit tós meiteņas,
Kura roksta zeìžauteņu,
Es nùmeršu bédeņâ.
Kur jiùs mani globósit,
Meitu bàdu nùmyrušu?
Apeiņéšu dòrzeņâ
Zam lúdzeņa kammbara.
Tí izauga ļela rùža
Deveņim zareņim.
Cik reiteņa jaunas meitas
Ít uz dòrzu puškótús.
Raunit, meitas, kù raunit,
Rùžai golvas naraunit,
Tei nabeja rùžas golva,
Tei bej dòrga dvèşeļeite.

8011-3
Zyni poša, mòmuļeņ,
Kò vajag malèjai:
Svíkst' ar maizi brùkastém,
Atmìdzeņa paguļét.

32650-1
Vysas beja Jòņa zóļes,
Kù plyuc Jòņa vokorâ;
Vysi beja Jòņa bàrni,
Kas Jòneiti daudsynòja.

32566-2
Rùtoi sauļe, rùtoi bite
Pa ļelù teìrumeņu,
Saùļe sìnu kalteidama,
Bite zídus laseidama.

23286-4
Gryùts maņ beja kolnâ kópt,
Vìglys lejâ nùsalaist;
Gryùts maņ beja svešys mòtis
Par màmeņu pasasaukt.

6496-3
Ka maņ sovu ròžu dòrzu
Bez raseņis izravét;
Ka maņ sovu laìka dzeivi
Bez osoru nùdzeivót.