33639-7
Ļelu şèju rùžu dòrzu,
Ar kú daìļi puškótís;
Nu tò ļela şèjumeņa
Vína poša izauguşe.
Deļ tós vínas skaistas rùžas
Dej maņ augstu sadu peit;
Deļ tós vínas tautu meitas
Dej maņ garu çeļu jót,
Dej maņ garu çeļu jót,
Svídrét (Sveidét) sovu kumèļeņu.
Kumèļam svídri byra,
Dèrst maņ gaudas asareņas.
Jamu sovu zyrga deči,
Slaùku svídrus kumèļam;
Jamu sovu šolka (zeìda) skustu,
Slaùku gaudas asareņas.
Da pusçeļa nadajóju,
Dzèržu ļaudis runòjùt,
Dzèržu ļaudis runòjùt,
Ļaùdaveņa atsokùt.
Naklaùşeišu ļaužu mèlu,
Jóšu pots pasavàrtu.
Da vòrteņu vín dajóju,
Redzu sovu dzaltòņeiti,
Redzu sovu dzaltòņeiti
Par pogolmu pòrtakùt,
Par pogolmu pòrtakùt,
Bolltas rùkas lauzèjùt (vàdynùt).
Stìp rùçeņu, grìz muteiti,
Byusi muna ļaudaveņa.
Jej rùçeņu gon pastìpe,
Bet muteites napagrìze.
Nacíš es nùsabeidu,
Ka tu taida lapna meita;
Zynu çeļu, varu jót
Veļ cytâ cìmeņâ,
Veļ cytâ cìmeņâ,
Kur aug skaistas dzaltòņeites,
Kur mameņa devejeņa,
Kur meiteņa gòjèjeņa.
-Jój uz sàtu, gan' tu cyùkas
Tova tàva teìrumâ;
Maņ atjós veļ lobóks
Ar sukótu (barótu) kumèļeņu.

7532-0
Skanét skaņ lynu kraklys,
Uz azara veļèjùt;
Gauži raud bòļeļenis,
Seikstu lynu devèjeņis.

33640-1
Seši jauni oròjeņi
Brauc pa ceļu dzídódami.
Vysim sešim sèrmi zyrgi,
Vysim cauņu capureites.
Vysi seši apstójuši
Ap tù munu rùžu dòrzu.
Séžu rùžu dòrzeņâ,
Veju rùžu vaiņuceņu.
Pyrmì divi tai sacèja:
Te byus muna ļaùdaveņa!
Ùtri divi atsacèja:
Nabyus tova ļaùdaveņa!
Treši divi làc nu zyrga,
Sùļej zalta gredzineņu:
Ša,mòseņ,gredzineņš,
Nosoi skaiški dzeivódama,
Nosoi skaiški dzeivódama,
Gaìdi manis atbraucùt.
Byušu pats,voj nabyušu,
Byus muns bàrìs kumeļeņš,
Byus muns bàrìs kumeļeņš,
Vacókòjis bòļeļeņš.

9198-1
Kò, sirsneņ, gryùši pyut?
Kò, Laìmeņ, gauži raudi?
Sirds pyute - gryùts dzeivót,
Raud Laìmeņa nùlykuse.

28545-1
Ej tu poša, saimineica,
Juma jimtu teìrumâ;
Ka naísi poša jimtu,
Guļés jums teìrumâ.

29385-1
Sasadzyna treju gonu,
Sasamaùro raìbaļeņis;
Satezèja mòsu bàrni,
Sasajème rùceņôs.

5926-6
Ka es beju jauna meita,
Bej maņ Dìva paleìdzeņš:
Vokorâ ròžas sèju,
Reitâ veju vaiņuceņu.

8204-1
Sejòjam, nìkòjam
Jaunu meitu molumeņu:
Sejódama zaltu rodu,
Nìkódama sudabreņu.

7582-0
Dori pyuru jauna meita,
Dori vaca mòmuļeņa;
Jauna meita gùdam dora,
Mòmuļeņa myužeņam.

10368-3
Nadú(d), Dìveņ, kólnâ kópt
Ar navèkli oròjeņu:
Pìkusu, kólnâ kópdama,
Navèkleiti stòdeidama.