Ļ. cien. dainuskapis.lv apmeklētāji! Tehnisku iemeslu dēļ pašlaik vietnē iegūstamā informācija var būt kļūdaina. Veicot pētījumus, lūdzam salīdzināt tekstus ar publicējumu – Krišjāņa Barona “Latvju dainām” (1. sēj. Jelgava, 1894; 2.–6. sēj. Pēterburga, 1903–1915).
11635-1
Auga maņ bollti zèrņi,
Auga bollti bròļeļeņi;
Auga maņ nùrìtneiši
Dalgaveņis maleņâ.
6694-4
Uz azara lab' dzeivót
Lànejóm meiteņóm:
Cik reiteņa mygla syta,
Naredz sauļes izlàcùt.
9976-0
Kabi maņ tys puìseits,
Kurs maņ krita pròteņâ,
Ni es ástu, ni es dzartu,
Ni uz cyta pasavàrtu.
13646-7
Es màmeņai vína meita,
Ik reiteņa molltu gòju,
Ik reiteņa molltu gòju
Pa pyùram teìru rudzu.
Ít màmeņa apsavàrtu,
Kù dareja malèjeņa.
Vaļâ lúgi, vaļâ dur's,
Nava munas malèjeņas.
Kù dorot, bòļeļeņi,
Nava mòsas molltivê.
Aunietés zóbokûs,
Velcités kažukûs,
Júzit zaļus zùbiņeņus,
Saglòjit kumeļeņus,
Saglojit kumeļeņus,
Laidités garu çeļu.
-Jóju, jóju garu çeļu,
Dasajóju kolnu vydu.
Tymâ kolnu videņâ
Spèlej skaiški spèlnìçeņi.
Dìvs paleidz, spèlnìçeņi,
Kù tik skaiški spèlèjat?
-Spèlèjam tù mòşeņu,
Kur' šùnakt atvedem.
-Jóju, jóju garu çeļu,
Dasajóju lelu cìmu.
Nadajóju da cìmeņa,
Sasatryuka cìma suņi,
Sasatryuka cìma suņi,
Iztak treis jaunas meitys.
Divi mani pošu vede,
Treša munu kumeļeņu.
Man' ìvede ustubâ,
Kumeļeņu stalleitî.
Maņ pastota mallnu kráslu,
Kumeļam auzu sili.
Man aizvylka lìpagoldu,
Pìlej treis bičareites,
Vín' ar olu, ùtr' ar madu,
Treš' ar gaudas asareņas.
Tí ázdams, tí dzardams,
Dasazynu sov' mòşeņu.
Aì, tu munu mìlu mòsu,
Kai sauc tevi sveša mòte?
-Aì, tu munu mìlu bròl,
Tai sauc mani sveša mòte:
Aì, tu búze, aì, tu laìva,
Ai vacòs siles gols!
-Aì, tu munu mìlu mòsu,
Jai pošai treis meiteņas,
Vina búz , ùtra laiva,
Treša vacòs siles gols.
Aì, tu munu mìlu mòsu,
Braucam obi uz màmeņu.
-Aì, tu munu mìlu bròl,
Man palikt šâi vìtâi.
31760-1
Gaìdi, mameņ, i nagaidi,
Šùvokor neatíšu,
Gaìdi cytu vakareņu,
Kurin' syltu ustabeņu.
10697-0
Skaista augu, bollta augu,
Na sovai mameņai:
Taùteņóm rogonóm
Reita mòļa maļéjeņa.
28375-7
Apļeik kolnu lynus sèju
Ar kausteitu kumèļeņu;
Uz (Iz) rudiņa dabosim
Ar kùrpeitis plyucèjeņu.
13790-1
Rudineiti raganeiti,
Bàdu víni padarèji:
Mežam lapeņas aptrauci,
Màrgóm zeiļu vaiņuceņus.
5288-0
Paļdís devu Laìmeņai,
Ka ļusteigu mani laide;
Ka ļusteigas nalaiduse,
Nùmertum bèdeņôs.
16041-4
Kò tej muna Laìma raud,
Pi olltora stòvádama?
Reds jej mani, mòtis meitu,
Ar navèkli laùlòjùt.
