5208-0
Škirites pùri, meži
Dolites teìrumeņi,
Tautas vede bòrineiti
Nu gaudùs asareņu.

4069-1
Ka zynótum tù kaļneņu,
Kur guļ muna mòmuļeņa,
Tò kaļneņa nadútum
Ciùceņóm racynót,
Tù kaļneņu nùgreistum
Ar úzula dèļeišim,
Ar úzula dèļeišim,
Ar sudroba nagļeņom.

4895-0
Koza, koza, na gùteņa,
Sveša mòte, na màmeņa;
Sveša mòte, na màmeņa,
Na pyùreņa licèjeņa,
Pìbàruse kòrklu zídu,
Teicàs pyùru pìlykuse.
Ka tu poša izputejse,
Kai izput kòrklu zídi!

3368-0
Píci, sesi tàvam dáli,
Vínys tàvam kumeļeņis;
Un tù pošu prodzáruši
Krùga golda gaļeņâ.

21696-1
Mameņ munu mìlu, bolltu,
Namìlam man' atdevi:
Syùrejam, ryuktejam,
Asareņu dzáròjam.

4993-5
Ucij, ļuļij, mozais bàrns,
Atís mòte vokorâ;
Ka n'atís vokorâ,
Atís reita sauļeitê;
Ka n'atís reita sauļetê,
Byus màmeņa nùmyruse.-
Radzu savu momuļeņu
Par kaļņeņu aizejùt.
Sauciņ sauču, nadzerdèja,
Teciņ tecèju, nadanòču.
Tacádama iztecèju
Treis sudobra ezereņi.
Vína dzèra raibys gùvs,
Ùtrâ sèrmi kumèļeņi,
Pì tò trešò veļèjós
Divi skaistys jumpraveņis.
Vína soka: Kur tu tec?
Ùtra klót aicynòva,
Tei, kur' klót aicynòva,
Tei pasoka mòmuļeņu:
Teci, teci, bòrineit,
Da viņam kaļneņam,
Tì guļ tova mòmuļeņa
Zam zaļùs veļeneņu,
Zam zaļùs veļeneņu
Vínâ kùka nameņâ.-
Datecèju pi Dìveņa:
Pìjimsi mani bòrineiti?
- Tec, tec, bòrineite,
Nava laìka pìjamama.

33629-2
Pòrteçèju ezereņu (Daugaveņu)
I solušu,nasolušu.
Kura vìta nasoluşe,
Tí aug zalta puriņeņi.
Nùsaróvu puriņeņu,
Nùsaveju vaiņuçeņu,
Nùsaveju vaiņuçeņu,
Izsalyku galveņâ.
Sagòjuši cìma puìši,
Atjam munu vaiņuçeņu.
Es jús lyùdzu, es jús prosu,
Atdúdit vaiņuçeņu!
Lyùgdamós, praşeidama,
Pasùļèju cymdu pòri.
-Navajaga cymdu pòra,
Vajag pošas adeitòjas.
-Pagaìdit, cìma puìši
Da cytam rudiņam,
Koļs pyùreņu pìdareišu,
Koļs teļeitis paaudzeišu.

21910-0
Tyuļa, tyuļa tautu dáls,
Namócèja klanétís;
Mun' mòseņa pa pogolmu
Kai nídreite lùcèjós.

10128-0
Lobók sovu vaiņuceņu
Symtu godu nosòjuse,
Na kai vínu vasareņu
Ar navèkli dzeivòjuse.

7345-1
Aud, màmeņ, lynu kraklus
Ezereņa plotumeņu:
Es redzèju tautu dálu
Úzùļeņa rasnumeņu.