13403-2
Es bòļeņa mìļi lyudžu:
Şèj zam lúga kaņapeites!
Tautas jója pogolmâ,
Es pa lúgu kaņapês.
Kaņapês stòvádama,
Atsaçèju tauteņóm;
Augumeņa naredzèja,
Volúdeņu vín dzedèja.

33646-3
Tymsa, tymsa tei egļeite,
Kur cauneite nakti guļ;
Tòļi,tòļi tys cìmeņš,
Kur aug muna lìgaveņa.
Jóju,jóju vínu dìnu,
Nikò loba nadajóju;
Jóju,jóju ùtru dìnu,
To dajóju cìma sàtu.
Izskrìn divi mallni suņi,
Iztak divi dzaltòneites;
Zyrgu vede stalleitê,
Pati vede ustobâ.
Taìsat maņ meikstu vìtu
Tymsajâ kakteņâ,
Lai es guļu,lai verús,
Kù darés cìma meitas.
Vína sprède,ùtra aude,
Treša roksta zeìžauteņu.
Dúd,mameņ, tù meiteņu,
Kura roksta zeìžauteņu.
-Tù, puìseit, es nadúšu,
Tej man vysu jaunókò.
-Jius,mameņ,vaci ļaud's,
Kam tik glupi runòjit?
Simtim skrèja jiùru putni,
Pa pòrim pòròjós;
Tó jaunim cylvákim
Pa pòrim jádzeivò.

29799-2
Kumèļ munu bolltskareit (mallnbèreit),
Tu maņ kaùnu padarèji:
Kur stòvèja jaunas meitas,
Tev kòjeņa pasļeidèje,
Tev kòjeņa pasļeidèje,
Maņ nùkryta capureite.
Kur' gùdeiga mòtis meita,
Padùd munu capureiti.
Padavuşe capureiti,
Şèst ar mani komonôs,
Şèst ar mani komonôs,
Byusi muna ļaùdaveņa,
Byusi muna ļaùdaveņa,
Myužam krakla devèjeņa,
Myužam krakla devèjeņa,
Myužam vìtas taìseitòja.

13250-20
Kam tì kungi krùgu taìsa
Ļela çeļa maļeņâ?
Čygonim olu dzert,
Mežnìkim silldétís.
Vína poša krùga maita
Aicyn' maņa pagulét.
Guļ tu poša, krùga maita,
Tova víta pyllna blusu,
Tova víta pyllna blusu,
Tovi mallni paladzeņi.
Meža gaiļi agri dzíd,
Man jóít uz mòtes maitóm.
Màmeņai treis maiteņas,
Vysas roksta smolkus rokstus.
Ka nadúsi tòs maiteņas,
As nùmèršu bèdeņâ.
Kur jius mani globosit,
Nùmyrušu bèdeņâ?
Zam lúdzeņa dòrzeņâ
Smolku rùžu sakņeitês.
Tí izauga bollta puča
Da patim debešim (dabasim).
Atbrauc kungi, atbrauc ļauds,
Nivíns zora nanùlauž;
Atjāj pats Dìva dáls,
Nùlauž pošu versyņeiti,
Nùlauž pošu versyņeiti,
Aizpuškòja capureiti,
Aizpuškòja capureiti,
Ìít Dìva bazņeicâ.
Vaìcoj kungi, vaìcoj ļaudis:
Kaida kùka tì zídeņi,
Na kùçeņa tì zideņi,
Tì ir dórgas dvèşeļeitis,
Tì ir dórgas dvèşeļeitis,
Dèdeņâ nùmyrušas.

25822-5
Moza toutu ustabeņa
Kai ceiruļa perekļeits;
As ar sovu vaiņuceņu
Vys's grìsteņus izslaùcèju.

33031-1
Boda, boda Jòneits nòce,
Vaìrók boda Pìtereits,
Jàkubeņš bogóts veìrs,
Ar rudzim, ar kvìšim.

4357-0
Kur, saùļeit, kavèjís,
Ka tu agri naizļeci?
-Aiz kaļņeņa, aiz ùtora,
Bòrineiti appuškòju.

4379-3
Saùļeit syltò, maizeit jaukò,
Tej bòriņu ramaveņa:
Saùļeitâ silldèjùs,
Maizeitâ remdèjús.

14835-1
Oi, guņteņ dzerkstaļeņ,
Paļeidz' olu padarét;
Ei, gudrò tàva meita,
Paļeidz myužu nùdzeivót.

24631-1
Tautys munu vaiņuceņu
Branndìņâ sleicyno;
Verites jius, bròļeisi,
Kur jì mani pošu liks.