33593-3
Kur jósi, kur jósi,
Juans puìşeiti?
Kur šunakt, kur šunakt
Pòrgulési?
Vaj jimsi atraiti,
Vaj mìļósi,
Vaj dúsi maìzeites
Atraites bàrním?
-Najimšu atraites,
Namìļóšu,
Nadúšu maìzeites
Atraites bàrním.
Atraites pologi
Izguláti,
Mìlì vòrdeņi
Izrunòti.-
Kur jósi, kur jósi,
Jaunais puìşeit,
Kur šunakt, kur šunakt,
Pòrgulési?
-Es jimšu jaunu meitu,
Vaj mìļósi,
Vaj jimsi jaunu meitu
Vaj mìļósi,
Vaj meitas vaiņuku
Paglobósi?
-Es jimšu jaunu meitu
I mìļóšu,
Jaunas meitas vaiņuku
Paglob óšu.
Jaunas meitas pologi
Naizguláti,
Un mìlì vòrdeņi
Naizrunóti.-
Aizdedz, màmeņi,
Gaišu guņteņu,
Ísim meiteņas
Uz vaiga vertís,
Vaj smuka, vaj bollta,
Vaj sorkona,
Ni smuka, ni bollta,
Ni sorkona,
Ni bolltas drèbétes,
Ni bogóta!
Vaì, Dìveņ, vaì, Laìmeņ,
Kù padarèju!
Sovas jaunas dìņeņas
Pavadèju,
Sovu şèrmu zirdzeņu
Izlúcèju,
Sovu şeiku naudeņu
Izbòrstèju.

17780-5
Íti man tù ceļeņu,
Kur as beju nagòjuşa;
Ésti man tù maìzeiti,
Kur' bòļeņi naoruši.

21032-5
Sadar mìzis ar apeini
Vínys bucys dybynâ;
Myužam tautys nasadar
Ar muním bòļeņím.

569-1
Jem, bròļeit, dzídótòju,
Najem kodas runótòjis.
Kura gòja dzídódama
Tei ap ùtru narunòva.

33870-1
Ļaj, ļeiteņ, naļaj vaìra,
Jau Saùļeite gauži raud;
Pyllni meži pìbyruši
Saùļis gaudu asareņu.

32970-6
Vysu godu Jòneits gòja,
Nu atgòja šuvokor;
Reibej' zeme atbraucùt,
Skanej' pìši nùlacùt.

8775-1
Peļoj' mani vysi ļauds,
Laìma mani nepeļoj';
Nesabeidu ļaužu peļu,
Ka Laìmeņa napeļoj'.

13435-3
Kù tì rej, bròļa suņi,
Ap mòşeņas rùžu dórzu?
Pulkim tautas pìjójuši,
Gaìda mòsas rùžu šķeìtu.
Gaìdit, tautas, nagaìdit,
Naís mòsa rùžu šķeìtu.
Vakar mòsa pìšķinuşa,
Šùdin veja vaiņuçeņu.

28812-2
Lyku dìnu pi dìņeņis
Lelejâ teìrumâ,
Kab varatum vínu dìnu
Pi gaļdeņa pasédét.

5032-2
Svàta Mòra tèrgâ gòja,
Mani ļeìdza vadynòja.
Sev apjúze zalta jústu,
Maņ apjúze sudabreņa.
Apjúzuse pasacèja:
Nosoi skaiški, bòrineit!-
- Pavaìcósim pi Mòreņis:
Kur skolósim zeìžauteņis?
- Deveņûs azarûs,
Dasmytâ upeitê.
- Pavaìcósim pi Mòreņis:
Kur kaltésim zeìžauteņis?
-Deveņûs úzulûs,
Dasmytâ saùleitê ?.
- Pavaìcósim pi Mòreņis:
Kur kàčósim zeìžauteņis?
- Pi bazneicas zalt' kàčalkys,
Tí kàčósim zeìžauteņis.
- Pavaìcósim pi Mòreņis:
Kur liksim zeìžauteņis?
- Lìc sovâ pyùreņâ
Zam bolltù vyllnòneišu.
- Pavaìcósim pi Mòreņis:
Kam dúsim, zeìžauteņis?
- Mozejam bòļeišam
Par gunteņis pyutumeņu.