32422-2
Kódu vòrdu kristèjóm
Šós vosorys teļeitém?
Kura deùma - deùmaļiņa,
Kura raìba - raìbaļiņa.

31361-2
Vysus kungus cìš mìļavu,
Bazņeickungu veļ vaìrók,
Kas maņ' mozu nùkristèja,
Kas maņ' lelu salaùlòja,
Kas maņ' lelu salaùlòja,
Nùmyrušu paglobòja.

33211-1
Man mòmiņa rùtys lídze
Jòņa dìnys vokorâ,
I saùļeite rùtòjós
Jòņa dìnys reiteņâ.

32104-1
Ļuste man, príca man
Ar kundzeņu karâ ít:
Kundzeņš munu bàdu ņeşe,
Meş kundzeņa príku ņeşem.

9241-1
Man ļauteņi apsasméje,
Slymu meužu dzeivòjùt.
Ni ar naudu es nùpèrku,
Ni nu Dìva praşejús.

12053-3
Muns broļiņš lìļejós,
Pučeit jemt ļeìgaviņu.
Jem, bròļiņ, ļaùžu bàrnu,
Lai zíd puča dorziņâ.

14692-10
Lela myrda sasáduşe
Dižanùs, ražanùs;
Kur, mameņ, es şédéšu
Es nabeju tik dižana?
-Şéd', meitiņ riņdiņâ,
Pošâ rindys galiņâ,
Ís tautiņis, jims nu gola,
Na nu vyda laşeidamys.

13250-31
Leìgò, laìva, uz eudiņa,
Iz oròja meitiņóm!
Tur man tyka, tur man tyka,
Tur man dzeive naapnyka.
Oròjam daìlys meitys,
Zèdželeišu audèjeņis.
Vína vèrpe, ùtra aude,
Trešò roksta zeìdauteņu.
Man, màmeņ, tù meiteņu,
Kura roksta zeìdauteņu.
-Es nadevu tós meiteņis,
Tej man poša jaunókò.
-Ka nadevi tós meiteņis,
Es nùmyru žalobóm.
Kur jeùs mani globóşet,
Meitu bàdu nùmyrušu?
-Bollt' rùzeišu dòrzeņâ
Zam rùzeišu lapeņóm.
Tur izauga kupla rùze
Deveņim žuburim.
Tur tós jaunys meitys gò
Ik sastdìnis krùņu peitu.
Nùpynuš, nùvejuš,
Saít Mòrys bazņeicâ.
Praşej' Mòra raudódama:
Kur meiteņis taidu jème?
-Reìgâ pèrku, naudu devu,
Vòczemê kalldynavu.
-Kù jiùs, meitys, malòjat,
Tys navá Reìgys krùņş,
Tej ir zàna dvèşeleite,
Meitu bàdóm myruşe.

16009-2
Puškòjís, bròļeļiņ,
Ar úzola lapiņóm,
Ka nadevi mòsiņai
Puču şèt dòrziņâ.

23617-1
Dálu mòtis ustabiņa
Driksniņóm, skaidiņóm;
Meitu mòtis ustabiņa
Dzeipuriņu gaļiņím.