|
Izvērstā meklēšana
Ļ. cien. dainuskapis.lv apmeklētāji! Tehnisku iemeslu dēļ pašlaik vietnē iegūstamā informācija var būt kļūdaina. Veicot pētījumus, lūdzam salīdzināt tekstus ar publicējumu – Krišjāņa Barona “Latvju dainām” (1. sēj. Jelgava, 1894; 2.–6. sēj. Pēterburga, 1903–1915).
Meklēja apriņķi Rēzeknes apr. Rezultāti: 771 - 780 no 867 3858-2
Bròļi muni bròkulàni
Sìnu pļòva zóbokûs;
Eş mòşeņa veizeitâs,
Nadreikstèju zadynót. 24610-6
Natùrkš spùļeite
Bez skrìmisteņa,
Naíšu tauteņôs
Bez bòļeļeņa,
Kas munu vaiņuku
Atpakaļ atņes.-
Atņesa bòļeļeņš
Zùbyna golâ.
Bòļeņ, bòļeņ,
Kur lyki vaiņuku?
-Atņešu, ìlyku
Màmeņis kļèpî.
-Màmeņ, màmeņ,
Kur lyki vaiņuku?
-Nùņesu, ìlyku
Rùžeņu dòrzâ.
Raud niu rùžeņis,
Raud magaņeņis:
Kur myusu sakņeišu
Laisteitòja?
Nùveda sakņeišu
Laisteitòju
Ni iz dìņeņis,
Ni iz stundeitis,
Nùmeda, nùveda
Iz vysa myužeņa. 33629-0
Kur tu skrìsi, vanadzeņ,
Ar tím voska spòrņeņím?
-Skrìšu ļìpas apsavàrtu,
Veļik ļela izauguşe.-
Ļela,kupla izauguşe,
Zori ļeika Daugovâ.
Es nùlaužu vínu zoru,
Svížu jiùru dziļumâ.
Tí izauga zalta puče
Deveņím zareņím.
Es nùlaužu vínu zoru,
Nùsaveju vaiņuçeņu.
Gòju,gòju pa çeļeņu
Kai pučeite zídádama.
Sasatyku puìšu pulku,
Prosa muna vaiņuçeņa.
Lobók dúmu cymdu pòri,
Na kai sovu vaiņuçeņu.
-Lobók jaunu adeitòju,
Na kai tovu cymdu pòri. 28261-3
Kungam byut kundzeņam,
Bòļeņam oròjam;
Kundzeņš naudu skandynòja,
Bòļeņš màizis gabaļeņu. 26878-0
Ļaùdaveņ, ļaùdaveņ,
Kas tavâ pròteņâ:
Ni tu maņ vìtes taìs',
Ni klòj bollta paladzeņa. 18033-2
Strauja tak tej upeite,
Kur akmiņi dybynâ;
Drùsa ít tej mòşeņa,
Kur bòļeņi pakaļâ. 32938-1
Jòņeits gòja godskòrtâ
Sovu bàrnu apraùdzeitu,
Voj jì éde, voj jì dzère,
Voj jì skaiški padzídòja. 5974-1
Laksteigola krùni kola
Reìgas myùra maļeņâ.
Izkaļ maņ, laksteigola,
Šùgod íšu tauteņôs. 7823-1
Sadareju ļaùdaveņu,
Lai jei auga sadaráta,
Lai jei auda, lai jei mata,
Lai jei lyka pyùreņâ. 24472-0
Pučeitês vàrdomós,
Raužu sova vaiņuceņa:
Zíd pučeites dórzeņâ,
Nazíd vaìra vaiņuceņš,
Nazíd vaira vaiņuceņš,
Navar' likt gaļveņâ. Meklēja apriņķi Rēzeknes apr. Rezultāti: 771 - 780 no 867 |
