5383-3
Augums beja maņ, mameņ,
Na auguma vín vajag:
Vajag munam augumeņam
Dižan kupla sedzineņa.

31933-13
Muns bòļeņš karâ jója
Napuškótu capureiti.
Ļec, mòseņ, rùžu dòrzâ,
Puškoj bròļa capureiti.
Appuškòju dzìdódama,
Pavadeju raudódama.
-Voj tu dzídi, voj tu raudi,
Vaìra maņa naredzési;
Par deveņis vasareņis
Gaìdi muna kumèļeņa,
Gaìdi muna kumèļeņa
Pi vòrteņu datakùt.-
Attak bròļa kumèļeņis
Ašņejòm kòjeņóm.
Pavaìcòvu kumèļeņu,
Kur palyka jójèjeņš.
Tí palyka jójèjeņis,
Kur guļ veìri kai úzuli,
Zùbiņeņi sòrtim kraùti,
Capureitis skaudz m mastys,
Capureitis skaudz m mastys,
Ašņa upe caùri tak;
Pyllni kolni gaļis, kaùlu,
Kara veìru vín navá.

6123-0
Zyrgs zyrgâ, lùks lùkâ,
Vis' iz Reìgu aizļeìgòja,
Tai mòsai krùņa pèrktu,
Kur' deveņi bòļeļeņi.

33639-7
Ļelu şèju rùžu dòrzu,
Ar kú daìļi puškótís;
Nu tò ļela şèjumeņa
Vína poša izauguşe.
Deļ tós vínas skaistas rùžas
Dej maņ augstu sadu peit;
Deļ tós vínas tautu meitas
Dej maņ garu çeļu jót,
Dej maņ garu çeļu jót,
Svídrét (Sveidét) sovu kumèļeņu.
Kumèļam svídri byra,
Dèrst maņ gaudas asareņas.
Jamu sovu zyrga deči,
Slaùku svídrus kumèļam;
Jamu sovu šolka (zeìda) skustu,
Slaùku gaudas asareņas.
Da pusçeļa nadajóju,
Dzèržu ļaudis runòjùt,
Dzèržu ļaudis runòjùt,
Ļaùdaveņa atsokùt.
Naklaùşeišu ļaužu mèlu,
Jóšu pots pasavàrtu.
Da vòrteņu vín dajóju,
Redzu sovu dzaltòņeiti,
Redzu sovu dzaltòņeiti
Par pogolmu pòrtakùt,
Par pogolmu pòrtakùt,
Bolltas rùkas lauzèjùt (vàdynùt).
Stìp rùçeņu, grìz muteiti,
Byusi muna ļaudaveņa.
Jej rùçeņu gon pastìpe,
Bet muteites napagrìze.
Nacíš es nùsabeidu,
Ka tu taida lapna meita;
Zynu çeļu, varu jót
Veļ cytâ cìmeņâ,
Veļ cytâ cìmeņâ,
Kur aug skaistas dzaltòņeites,
Kur mameņa devejeņa,
Kur meiteņa gòjèjeņa.
-Jój uz sàtu, gan' tu cyùkas
Tova tàva teìrumâ;
Maņ atjós veļ lobóks
Ar sukótu (barótu) kumèļeņu.

28545-1
Ej tu poša, saimineica,
Juma jimtu teìrumâ;
Ka naísi poša jimtu,
Guļés jums teìrumâ.

8204-1
Sejòjam, nìkòjam
Jaunu meitu molumeņu:
Sejódama zaltu rodu,
Nìkódama sudabreņu.

7582-0
Dori pyuru jauna meita,
Dori vaca mòmuļeņa;
Jauna meita gùdam dora,
Mòmuļeņa myužeņam.

5116-5
Gryùši pyute syla prìde,
Smolka ļeita pìdzáruşe;
Gaùži raud tì bèrņeņi,
Redz pamòti atvadùt.
Voi byus maizis devèjeņa,
Voi ar kòju spérèjeņa,
Nabyus maizis devèjeņa,
Byus ar kòju spérèjeņa.

33640-2
Şeši jauni stabuļnìki
Jój pa çeļu spàládami,
Visim şešim şèrmi zyrgi,
Visim cauņu capureites.
Vysi şeši sajójuši
Ap tú munu rùžu dòrzu.
Séžu rùžu dòrzeņâ,
Veju rùžu vaiņuçeņu.
Divi soka: byusi muna!
Ùtri divi:nabyus tova!
Treši divi làc nu zyrga,
Dúd maņ zalta gredziņeņu.
Ìdavuši pasaçèja:
Nosoi gudri,tautu meita,
Ka vaìcós tàvs ar mòti,
Sok', bòļeņi ìdavuši,
Ka bòļeņi pavaìcós,
Sok', zemè pacáluşe,
Sok',zemè pacáluşe,
Rùžu dòrzu ravádama.

33971-1
Saùļis meit Bòrbaļeņ,
Samejam vaiņukím;
Tovs bej zalta lapeņóm,
Muns sudobra zeìļeitèm.
Obi vínu skaistumeņu,
Obi divi pìdarèja.