16039-2
Es tev ludzu, mòceitojs.
Laùloj mani pacíšók;
Ùtrai mòsai veìrs nùbága,
Kam nacíš salaùlò.

30661-1
Div' sileņi pòrtecèju,
Trešu syla gabaļeņu,
Pyllni muni bocikeņi
Syla zídu pìbyruši.

24690-0
Sínit mani boltauteņu
Leidz ar putu gabaļeņu;
Saséjuši atlaidit,
Lai gaļveņa nasópèj'.

33612-0
Aivíkšys, upinis
Bolltys zídèje,
Bolltys zídèje
Sorkonys kòrsa.
Mani tàvs, màmeņa
Jaunu tautôs atdeve.
Pìsaçeja atdúdami
Cìmâ nastaìgót,
Cìmâ nastaìgót,
Kòju nalauzeit.
Dzeivòju gadeņu,
Dzeivòju ùtru,
Iz treša gadeņa
Sajèmu pròtu,
Pasamešu par dzagúzi,
Skríš' iz tàva sàtu.
Aizkiùkòju tàva sàtâ
Ar žèļeigu bolsu,
Laìkam mani tàvs izdzèrş,
Pa pogolmu staìgódams.
Pa pogolmu pòrstaìgòja,
Maņa nadzèrdèje.
Aizkiùkòju tàva sàtâ
Ar žèļeigu bolsu,
Laìkam mani mòt' izdzèrş,
Brùkastiş vòreidama.
Mòte brùkastş izvòrèja,
Maņa nadzèrdèje.
Aizkiùkòju tàva sàtâ
Ar žèļeigu bolsu,
Laìkam mani mòs' izdzèrş,
Siņciş slaùçeidama.
Mòsa siņciş izslaùçèja,
Maņa naizdzèrda.
Aizkiùkòju tàva sàtu
Ar žèļeigu bolsu,
Laìkam mani vacys bròļş
Izdzèrş, izkapti kuldams.
Bròļş izkapti izkiùla,
Maņa naizdzèrda.
Aizkiùkòju tàva sàtâ
Ar žèļeigu bolsu,
Laikam mani jaunais bròļeņš
Izdzèrş, zyrgu sadlódams.
Bròļeņš zyrgu apsadlòja,
Mani izdzèrda.
Pavaìcòja vacù bròļi,
Voj saùt itù dzagúzeiti.
"Nasaun', bròļeit, pagaìd', bròļeit,
Voj nav myùsu mòsa.
Jo tu esi myùsu mòsa,
Ej uz myusim cìmâ;
(Ej pi myusu ustobâ)
Jo eìstò dzagúzeite,
Skrìn pa zaļu mežu"!
Ka skrèju pa mežu,
Visi kùki ļeìka;
Ka skrèju pa teìrumu,
Vyss teìrums zaļš palyka;
Ka skrèju pa lukstím,
Luksti pilni osoru.
Patim lobam kùkam
Dìvs lopu nadeve;
Taipat maņ bòryņei
Dìvs dzeivis nadeve.

26785-3
Rikšním bèreiti palaižu
Pa garù syla molu,
Kab man sovu ļaudaveņu
Stòv' atrast, naguļeit.
Gudra muna ļaùdaveņa,
Stòv' atrodu, na guļeit
Roksta bolltys vyllnaņeitis,
Roksta bolltus zìdauteņus.

16457-1
Maņ màmeņa gùvi deve,
Saìtas vín naìdeve.
-Sìņ meiteņ, pyllnu klàvu,
Saìta lìpu kriùmeņâ.

23701-1
Dìveri, muni dìveri
Kai eìstì bòļeļeņi,
Kod ídami driveņâ:
Maršeņ, ļeìdza bora vastu!

4935-2
Šyùti krakli, navaláti,
Jaunu meitu pyùreņâ;
Sàti lyni, naacáti
Maltanìšu teirumâ.

31907-6
Prújom jòít, prújom jòít,
As navaru še palikt!
Palìk maņ eistais tàvs,
Kas maņ' lylu uzaudzèje.
Prújom jòít, prújom jòít,
As navaru še palikt!
Palìk maņ eista mòte,
Kas maņ' gauži nùžàlòja.
Prújom jòít, prújom jòít,
As navaru še palikt!
Palìk maņ eisti bròļi,
Ar kú mīļi dzeivòjam.
Prújom jòít, prújom jòít,
As navaru še palikt!
Palìk maņ eistys mòsys,
Asareņis slaùçeidamys.

21077-2
Šaidi taidi sabraukuši
Syla pípu laseitòji,
Nav ni vína gudra veìra,
Ar kú maņ parunót.