21647-1
Vìzét vìz ezereņš
Şeikejóm raùdeņóm;
Tai vìzèje bròļu mòsa
Şeikejâ sudobrâ.

5333-1
Mozu munu mozumeņu,
Seiku munu seikumeņu:
Kur ļaudim kòjas mèrka,
Tî maņ mèrka vyllnòneite.

13650-1
Vakar mòte krùgâ dzéra,
Maņ' pòrdzéra zvejnìkam.
Šùdin tak bòļeļeņi
Jiùru molu raudódami.
-Ak, jiùs jiùru zvejnìceņi,
Redzejat myùs' mòseņu.
-Pìci bollti bòļeļeņi,
Kóda beja jiùs mòseņa?
-Skaista, bollta myùs' mòseņa,
Sorkons rùžu vainuceņš.
-Jam, bròļeit, úša laìvu,
Dzeņís mòsai pakaļê.
-Úša laìva smoga laìva,
Tej núgrima dybynâ.
-Jam, bròļeit, lìpa laìvu,
Dzeņís mòsai pakaļê.
-Pìcu ļeiču ļeikumâ
Séd mòseņa raudódama.
Sést, mòseņ, laìveņâ,
Brauksim obi atpakaļ!
Aiz žàluma navarèju,
Tì rùceņu vín padevu.
-Es nùíšu pavasar,
Ka iudiņs nùsaskrís,
Ka kùceņi salapós,
Ka kiùkós dzaguzeite,
Ka kiùkós dzaguzeite,
Ka trauks óru laksteigola.
Niu ar Dìvu, smolki kòrkli,
Vaìra jiùsu nalùcéšu;
Niu ar Dìvu, skaistas pučes,
Vaìra jiùsu naplyùkóšu;
Niu ar Dìvu, bròļi, mòsas,
Vaìra jiùsu naaudzéšu;
Niu ar Dìvu, tàvs ar mòti,
Vaìra jiùsu naklaùséšu.
Dìveņ, tovu lykumeņu,
Laimeņ, tovu laidumeņu:
Atstój sovu tàv' ar mòti,
Ít ar svešu cilvèceņu,
Tai nameìl tàvs ar mòti,
Kai meìl svešs cilvèceņš.

16140-3
Div' şèrmeiši auzas éda,
Sagrìzuši mugareņas;
Byus kurâ maļeņâ,
Raudós meitu mòmuļeņa.

14583-4
Cymdu, cymdu, rùkas sola,
Aùzu, aùzu kumèļam!
-Moza cymdu adeitója,
Zaļas aùzas teìrumâ.

8462-0
Izkoltuşa driču driva,
Kaļņeņâ stòvádama;
Lai nùkolst tys puişeits,
Kurs meitiņis nycynoja.

16978-4
Bolltys kòjeņis apovu
Bròļ' ustobys dybynâ;
Dìvys zyna, kur nùíšu,
Kur nùaušu vokorâ.

19297-0
Eş saçeju tev, Tèkļeit,
Naád rutku, ni burkonu:
Rutkys tovu sirdi grauza,
Burkons pyuta véderiņi.

9027-1
Runój' ļaudis, kù runój',
Vys da maņa darunój'.
Var maņ ļaudis aprunót,
Navar mana pabaròt;
Sovys rùceņis, kòjeņis
Sovu gáļveņu barò.

1897-2
Šyùpòjís, šyùpeļeit,
Audzej ļelu bòļeļeņu:
Kungi gaìda kara veìra,
Tàvs ar mòti oròjeņa.