33645-0
Treis vosoras sabaròju
Stallî lobu kumeļeņu,
Caturtâi vosorâ
Lyku sadlus mugorâ,
Lyku sadlus mugorâ,
Bèru rìkstus karmynâ,
Bèru rìkstus karmynâ,
Jòju meitu cìmeņâ.
Vínu saùvi meitóm devu,
Ùtru meitu mameņai,
Trešù saùvi pakaìşèju (pabòrstèju)
Pa meiteņu pagalmeņu.
Cikóm meitas rìkstus losa,
Jau saùļeite vokorâ;
Cikóm rìkstus salaşèja,
Jau saùļeite nùrìtèja.
-Kur tu jósi, cìma puìsi,
Kur guļési šù naksņeņu?
Guļ tepat, cìma puìsi,
Es vìteņu pataìşéšu,
Es vìteņu pataişéšu,
Klóšu bolltu paladzeņu.
Gulásim vínu vìtu,
Runósim vínu runu.
Veļ nav runa izrunóta,
Jau mameņa stòvu çeļ.
Vaìcoi mani mòmuļeņa:
Kò,meiteņa nùskumeiga?
Tu,mameņ, nazynòji,
Kaida muna nùskumšona:
Nu tò rìkstu kúdùļeņu (laşèjumu)
Myužam tautu rùceņâ.