SĀKUMLAPA| PAR DAINU SKAPI| PALĪDZĪBA| ATSAUKSMES
Izvērstā meklēšana
Meklēja avotu 423b
Rezultāti: 1 - 10 no 20
Meklēt vēl
245322-0
11869-0
4774-1
Vysys maitys dorbu dora,
Vysys ròda màmeņai;
Gona skaistu es darèju,
Kam es sovu paròdèju?
27469-2
Es redzèju sovu mòti
Par kaļneņu nùvadùt.
Es tecèju, nadanòču,
Es raudót n'atraudòju.
443-3
Aiz kù maņ gryùt' dzídót,
Aiz kù gryùt' gavylót?
Tautu dáls nalìteņa
Maļeņâ klaùsèjós.
4993-5
Ucij, ļuļij, mozais bàrns,
Atís mòte vokorâ;
Ka n'atís vokorâ,
Atís reita sauļeitê;
Ka n'atís reita sauļetê,
Byus màmeņa nùmyruse.-
Radzu savu momuļeņu
Par kaļņeņu aizejùt.
Sauciņ sauču, nadzerdèja,
Teciņ tecèju, nadanòču.
Tacádama iztecèju
Treis sudobra ezereņi.
Vína dzèra raibys gùvs,
Ùtrâ sèrmi kumèļeņi,
Pì tò trešò veļèjós
Divi skaistys jumpraveņis.
Vína soka: Kur tu tec?
Ùtra klót aicynòva,
Tei, kur' klót aicynòva,
Tei pasoka mòmuļeņu:
Teci, teci, bòrineit,
Da viņam kaļneņam,
Tì guļ tova mòmuļeņa
Zam zaļùs veļeneņu,
Zam zaļùs veļeneņu
Vínâ kùka nameņâ.-
Datecèju pi Dìveņa:
Pìjimsi mani bòrineiti?
- Tec, tec, bòrineite,
Nava laìka pìjamama.
12474-1
Ciri, ciri, redz kur prìde
Lela ceļa maļeņâ;
Puìši, puìši, redz kur meitas,
Sorkons ròžu vaiņuceņš.
24945-2
Bròļi, broļi, kam mòseņi
Kòjóm laidet bazneicâ?
Kur tì jiusu sèrmi zyrgi,
Kur raksteitas kamaneņis?
-Sèrmi zyrgi na deļ mòsu,
Ni raksteitas kamaneņis,
Sèrmi zyrgi, kamaneņis
Lìgaveņu vyzynòt.
Pats ìvežu sèteņâ,
Pats ìvežu klèteņâ,
Pats vìteņu pataìseju,
Pats paprìšku atsagulu.
Gulis, muna lìgaveņa,
Uz munòm rùceņòm;
Ka rùceņis nùgulèsi,
Tulaìk tevi mùdynòšu.
Celís, muna lìgaveņa,
Jau rùceņis nùgulèji!
Lìgaveņa caldamòs
Gauži, gauži aizraudò:
Vai, Dìveņ, golva sòp,
Kam es niule žàlóšús!
Ni maņ tàvs, ni maņ mòte.
Ni eìstì bròļeļeņi;
Sveşys tàvs, sveša mòte,
Sveši maņ dìvereiši.
30610-3
Gara gara vuškis vyllna,
Vucineņa veļ garóka.
Vucineņa viļļneņâ
Treis puškeņi darinovu.
Vínu devu Dìveņam,
Ùtru Dìva déļeņam,
Trešu sev aizturèju,
Ar kú tautas kairinót.
20437-1
Kam, Bòrbul, zeìļes séji?
Tev zeìļes nadakreit;
Lobók byutim apşéjuse
Vaca žeìda iùzaukļeņu.
12»
Meklēja avotu 423b
Rezultāti: 1 - 10 no 20
Meklēt vēl
meklēt Dainu skapī