SĀKUMLAPA| PAR DAINU SKAPI| PALĪDZĪBA| ATSAUKSMES
Izvērstā meklēšana
Meklēja avotu 422_2b
Rezultāti: 1 - 6 no 6
Meklēt vēl
29733-4
Es savim kumèļim
Ņídru kaùlu stalli taìsu;
Pyùš vèjeņš, čaùkst skaņ ņídreite,
Danncoi muni kumèļeņi.
33625-6
Mòte gòja slùtu grístu
Ar pìcóm meiteņóm,
Tù pìktù mozókù
Raşeņâ sļeicynòva.
Nas raşeņa, napanas,
Ìmat jù upeitè;
Nas upeite, napanas,
Ìmat jù azarâ.
Nas azars, napanas,
Ìmat jù Daugavâ;
Nas Daugava, napanas,
Ìmat jù jiùreņôs.
Nas jiùreņis, napanas,
Izsyt viļņs maļeņâ,
Izsyt viļņs maļeņâ
Bolltu putu gobolâ.
Tí izauga kupla ļìpa
Jòs kòjeņu gaļeņâ.
Jau pazída tej ļìpeņa
Sudabreņa zídeņím.
Ít i kungi, ít i ļaudis,
Ni zareņa nanùlauž;
Atjój divi Dìva dáli,
Nùlauž pošu vèrsyuņéti,
Nùlauž pošu vèrsyuņéti,
Aizasprauž aiz capuris,
Aizasprauž aiz capuris,
Ìít Laìmis kammbarî
(Mórys bazņeiçâ).
Soka ļaudis vàrdamís:
Kaida kùka tì zídeņi?
Soka Laìme (Mòra) vàrdamós:
Tì nabeja kùka zídi,
Tì nabeja kùka zídi,
Tej ir dòrga dvèşeļeite,
Tej ir dòrga dvèşeļeite,
Raşeņâ sļeicynóta,
Raşeņâ sļeicynóta,
Pìc' iudiņu mozgòjama (izskolóta).
28902-9
Gùteņ muna raìbuļéte,
Kò maùròvi vokorâ?
Vaj maùròvi zalta saìtys,
Vaj sudobra piņèkļeņa?
-Ni maùròvu zalta saìtys,
Ni sudobra piņèkļeņa,
Es maùròvu slauçèjeņis
Dzáltonim mateņim,
Dzáltonim mateņim,
Sórkon' ròžu vainoçeņu,
Sorkon' ròžu vainoçeņu,
Bollta kùka slauktivéti.
31933-11
Kur tu jósi, bròļeļeņ,
Napuškótu capuréti?
Ļèc, mòşeņ, dòrzeņâ,
Puškoj bròļa capuŗéti.
Dzídódama aizpuškòvu,
Raudódama pavadeju.
Vaj tu dzídi, vaj tu raudi,
Vaìra mani naredzési.
Atsyutéšu kumèļeņu
Par deveiņis vasareņis.-
Atteçèje kumēļeņš
Dubļòjóm kòjeņóm.
Vaìcoj mòsa nu kumèļa,
Kur pamete jójèjeņu.
-Ti pamešu jójèjeņu,
Kur guļ veìri kò úzùli,
Zùbiņeņus sòrtûs kròva,
Capurétis skaudzês mete,
Nu ašņím upe skrèje,
Nu kaùlím tylltu greìbe,
Sauļe kaùlus balynòva,
Vèjeņš motus purynòva.
909-7
Aizzamèrsa man dzísméte,
Nùsajiudze kumèļeņis;
Pasokot man dzísméti,
Pats aizjiudžu kumèļeņu.
19789-0
Rudzus şèju, mìž' izauga,
Apeiņéši nùzídèje;
Olu doru, mads nùryuga,
Dìva dáli dzáròjeņi.
Meklēja avotu 422_2b
Rezultāti: 1 - 6 no 6
Meklēt vēl
meklēt Dainu skapī