SĀKUMLAPA| PAR DAINU SKAPI| PALĪDZĪBA| ATSAUKSMES
Izvērstā meklēšana
Meklēja iesūtītāju laizāns b.
Rezultāti: 1 - 10 no 923
Meklēt vēl
24553-2
Cerei mani tautu dáls,
Cerei tautu mòmuļeņa;
Carádamis nùcerèja
Munu zeiļu vaiņudzeņu.
32570-4
Jòņa motes pogolmâ
Treis sudobra olùteņi.
Vínu dzéra raibas gùv's,
Ùtru bári kumeļeņi,
Trešâ pate Jóņa mòte
Ar Jòneiti maudòjós;
Jòņam speidè zalta peipe,
Mòtei zalta gredsineņi.
11543-3
Tyuka kupla tei egleite,
Kur cauneite nakti guļ;
Tóli, tóli tei zemeite,
Kur aug muna ļaùdaveņa.
32415-7
Visi kùceņi zídèja,
Papards víni nazídèja;
Papards zíd Jóņa nakti
Sudabreņa zídeņím.
22180-3
Raud, raud raùdiveite,
Div' bèrneņi vododama;
Tai raud gauži mòtes meita,
Div' myužeņi dzeivódama.
17582-1
Rùka rùceņu pòrmeja
Pi gryùtùs dzèrnaveņu;
Kas, mòseņ, tev pormejs
Borgejôs tauteņôs?
33597-3
Pascéšu tàvam,
Pascéšu mòtei,
Kù dora mòseņa
Apeiņu dòrzâ:
Maìksteņis lauze,
Gunteņu kiùra,
Apeiņu maìksteņis
Sadadzynòja.
Taìséšu laiveņu
Straujupes molâ,
Syutéšu mòseņu
Uz svešu pusi.
Kiùkòja dzaguze,
Dzíd laksteigola,
Raud muna mòseņa
Svešaja molâ.
Naraudi gauži,
Napyuti griùši,
Par divi godi
Es tí byušu.
Taìséšu tilteņu
Nu ròžu lopu,
Nu ròžu lopu,
Apeiņu steigu.
Tí jója kungi,
Tí stòrosteņis,
Tí muna mòseņa
Pyureņu vede.
Stòrostas meita
Dzaltoním motím,
Steidzísi puìškin,
Tei tova byus.
- Nagribu, navajag
Taida puìškina;
Ir man stallî
Bàrs kumeleņš,
Tù jiudzu, tù brauču,
Tù dancynòju,
Tam devu auzeņu
Pasejódama,
Tam devu dobulu
Palaseidama.
8402-7
Es pì veìra izítuļu,
Ka na vínys bòbys pļoukšys:
Bòba pļoukša izpļoukšà,
Ka es rasnu dzeju sprèžu.
3450-0
Bòļeļeņi, bòļeļeņi,
Kai tì syla bolúdeiši;
Ļaudim ļeli breinumeņi,
Ka mes mìļi dzeivòjam.
31928-3
Vakar gòju, gòju,
Kaļņeņâ izkópu,
Radzu sovu ļaùdaveņu
Gauži raudòjùt.
Ko tu, puķeit, raudi,
Kò tu žàlòjís?
-Kai man beja naraudót,
Oròjs karâ gòja.
-Karâ maņ bej ít,
Karâ maņ palikt,
Karâ beja gryùta dzeive
Tàva déļeņam,
Garu zemi ít,
Zùbineņu nest,
Naidinìku pulceņâ
Asareņas lít.
1234567891011»
Meklēja iesūtītāju laizāns b.
Rezultāti: 1 - 10 no 923
Meklēt vēl
meklēt Dainu skapī