Ļ. cien. dainuskapis.lv apmeklētāji! Tehnisku iemeslu dēļ pašlaik vietnē iegūstamā informācija var būt kļūdaina. Veicot pētījumus, lūdzam salīdzināt tekstus ar publicējumu – Krišjāņa Barona “Latvju dainām” (1. sēj. Jelgava, 1894; 2.–6. sēj. Pēterburga, 1903–1915).
14692-16
Pyllni súleņi pìsáda
Dyžanùs, ražanùs;
Kur, mameņ, es şédeišu
Ni dyžana, ni ražana?
15136-0
Ka maņ byutu tik mòşeņu,
Cik auzeņu tèirumâ,
Nadútuļu tauteņòm
Ni vínas malldynót.
18362-7
Mòte, meitu izdúdama,
Dzíd, rùçeņas plateidama;
Ka ìgòja molltivê,
Raud, gaļveņu sajèmuşe.
8589-1
Laìmeņ, myuža liçèjeņ,
Kaidu myužu maņ nùlyki?
Vaj nùlyki pa ļaudim,
Vaj pa ļaužu volúdóm?
14407-2
Kam, bòļeņ, tu salaidi
Svešus ļaudis pogolmâ?
-As, mòşeņ, naredzèju,
Smàdâ kolu zùbiņeņu.
3950-0
Osa, osa pùra zoļa,
Vaļ osóka iskapteņa;
Borga, borga sov' màmeņa,
Vaļ borgóka sveša mòta.
4858-0
Bòtiņeite bej augdama,
Na bòriņa dzeivódama,
Man Laìmeņa sasaguşa
Na bòriņas şedziņeņu.
13263-1
Gaismeņai austùt,
Sauleitei làcùt
Vaì, agri, agri saùleitei làcùt!
Jaunais puìškins
Zyrgus sadlòja,
Vaì agri, agri zyrgus sadlòja!
Zyrgus sadlòja,
Griùš nùsapyute,
Vaì agri, agri griùš nùsapyute!
Griùš nùsapyute,
Gauži raudòja,
Vaì agri, agri gauži raudòja!
Jój jaunais puìškins
Pa garu ceļu,
Vaì agri, agri pa garu ceļu!
Jóju es, jóju,
Lai gon napazyna,
Vaì agri, agri lai gon napazyna!
Lai gon napazyna,
Lobdìn atjème,
Vaì agri, agri lobdìn atjème!
Lobdìn atjème,
Par mìlu sauce,
Vaì agri, agri par mìlu sauce!
Par mìlu sauce,
Gradzinim meja,
Vaì agri, agri gradzinim meja!
Gradzinim meja,
Skusteņu deve,
Vaì agri, agri skusteņu deve!
Jòj jaunais puiškins,
Treis dorzi prìškâ,
Vaì agri, agri treis dorzi prìškâ!
Pyrmejâ dorzâ
Kiùkoj dzaguze,
Vaì agri, agri kiùkoj dzaguze!
Ùtrejâ dorzâ
Syt laksteigola,
Vaì agri, agri syt laksteigola!
Trežejâ dorzâ
Raud jauna meita,
Vaì agri, agri raud jauna meita!
Jaunai meitiņei
Zaļš vaiņuceņš,
Vaì agri, agri zaļš vaiņuceņš!
Tev, dzaguzeite,
Pùrini bàrzi,
Vaì agri, agri pùrini bàrzi!
Tev, laksteigola,
Malnòs upines,
Vaì agri, agri malnòs upines!
Tev, meitineite,
Borga mòteica,
Vaì agri, agri borga mòteica!
Borga mòteica
Borgi lomòja,
Vaì agri, agri borgi lomòja!
Svíde atslágas
Zam tovóm kòjóm,
Vaì agri, agri zam tovóm kòjóm!
17934-1
Aiz úzula plotu lopu
Naredz saùļas izlacùt;
Aiz mòşeņas pušku lùku
Naredz tautu kumèļeņa.
6576-1
Marga gùdu paslápuşa
Zam dèrzeņa lapeņóm.
Dèrzeņš lopas salopòja,
Marga gùda nadabòja.
