3965-0
Bòriņeite gauži raud,
Aiz durovu stòvádama,
Sveša mòte ustobâ,
Skuju reìkste rùçeņâ.
Naryudini, sveša mòte,
Tiki gauži bòriņeitiş,
Bòriņeitiş asareņis
Moksoj zalta gabaļeņu.

5057-0
Satòp ? mani div' viļneiši,
Iz Daugovas veļèjùt,
Ìsvíž vòlis Daugovâ,
Ìceļ pošu laìveņâ.
Ìcáluši laìveņâ,
Nùvad mani uz Vòczemi.
Nùvaduši uz Vòczemi,
Dalìk mani klaùseitús,
Dalìk mani klaùseitús,
Kù dzídòja škòlas bàrni.
Treis dìneņas sasaklaùšu
Ni áduse, ni dzáruse;
Catùrtâ dìneņâ
Ìdúd maņi vínu zèrni.
Es tò zèrņa naapéžu,
Tù ìsèju dèrveņî.
Tys izauga kuplys, gars,
Da poším dabasím;
Es izkópu pi Dìveņa
Pa zèrneiša zareņím.
Lobs reiteņš, Dìva dáls!
Kur guļ muna mòmuļeņa?
- Tí guļ tova mòmuļeņa,
Zam Dìveņa noma durs,
Zam Dìveņa noma durs,
Zam zaļù veļèneņu.
- Ceļís, munu mòmuļeņ,
Es paceļšu veļèneņu.
- Es, bèrneņ, nasaceļšu,
Cikom saùļe debesîs.
Dužódama, raudódama,
Ìtecèju nídreitês.
Nu tús nídru šmuigu garu
Iztak zalta olùteņš.
Pi tò zalta olùteņa
Treis jumprovas mozgòjós.
Divi soka: kur tu ísi?
Trešà klótu aicynò.
Kura klótu aicynò,
Tei ìdeve zeìžauteņu.
-Ša, mòseņ, zeìžauteņš,
Nùslaùk sovas asareņas!
- Nùslaùcèju asareņas,
Ša, mòseņ, atpakaļ.
- Jam ar Dìvu, nosoi pate
Par màmeņas žèļeibóm.

31750-4
Tóļi beju staìgòjuşe,
Daùdzi loba redzèjuşe:
Akmiņş stòv uz yudiņa,
Smylga gryma dybynâ.

32825-1
Dúd, Dìveņ, Jòņa mòtei
Ilgi dzeivót, lobu redzét,
Šolka svòrkus šyùdynót,
Samtu likt pakrutê.

281-4
Puče, puče, rùža, rùža,
Bòļeņ, tova ļaùdaveņa!
Nabej puče, nabej rùža,
Jej daìļais augumeņš.

10697-0
Skaista augu, bollta augu,
Na sovai mameņai:
Taùteņóm rogonóm
Reita mòļa maļéjeņa.

5288-0
Paļdís devu Laìmeņai,
Ka ļusteigu mani laide;
Ka ļusteigas nalaiduse,
Nùmertum bèdeņôs.

20099-1
Kur, mòseņ, zóļes jèmi,
Ar kú byùdus maļavót?
Rèziknê kabakâ,
Vaca žìda kadakâ.

33971-3
Saùļes meita jumpraveņa,
Meisimès vaiņukím;
Tovs bej zalta lapeņóm,
Muns sudobra zarením.

8011-3
Zyni poša, mòmuļeņ,
Kò vajag malèjai:
Svíkst' ar maizi brùkastém,
Atmìdzeņa paguļét.