9294-0
Voì, Dìveņ, ir pi mani
Pazeļteita óbuļneica;
Ir uz tós óbuļneicas
Četri zalta óbuļteņi.
Divi pate es apéžu,
Div' nùsyutu briùgonam.
Briùgons maņ atsyutè
Pìraksteitu gròmateņu.
Puslapeņis izskaitèju,
To i gauži nùraudòju.
Vél tymâ gròmotâ
Jórìž gaudas asareņas.

11285-0
Maņ zirdzeņi kai lóceiši,
Leìdza skrín kai putneņi;
Kur ìraùga jaunas meitas,
Ceļ' ar kòjóm sakopoi,
Ceļ' ar kòjóm sakopoi,
Un galveņu nùkratè.
Sok' meitiņa uz meiteņi:
Edz, kur puìka smuki brauz!
Vasaļiņkas palícit
Da cytam rudiņam,
Cikom sèrmi sabarošu,
Podùmeņu salaseišu.

4590-5
Mozu, màmeņ, man' atstóji,
Kòju aut namócèju;
Ka, màmeņ, niu radzátu,
Jau eş mòļa maļèjeņa.

28354-9
Ni vínam cik nav labi,
Kai tam lynu jumeišam:
Pļéš aiz motu, gríž jò golvu,
Veļ jù bóž iudinî.

23856-0
Sadar maņ daramù
Ar bòļeņa ļaudaveņu,
Sadar zìmu molltyvê,
I vosor dèrveņî.

11629-1
Audzi, audzi, úzùļeņ,
Tepat tova lìpa auga,
Tepat tova lìpa auga,
Zam tovim zareņim.

29231-9
Gonûs gòju, gaņa beju,
Ganis sedžu vyllnòneiti;
Tai pat mani veìrs pajème
Ar tù gonu vyllnòneiti.

15176-3
Na taidam vèjeņam
Syla prìdi kustinót;
Na taidam navèkļam
Nùjimt munu vainuceņu.

12076-3
Meiteņóm rožys zíd,
Meiteņóm magatkenis;
Puìškinim pavasar
Pura korkli nazídè.

33494-2
Kur tu teci, moza peļa? Koladu, koladu!
- Da orùda zerņu zogtu.
Kai ti tevi nasagiva?
- Es ibàgu aļeņâ.
Kai tu ti nanùsoli?
-Sasakiùru kaula guni.
Kai tu ti nasadagi?
- Sasaspraužu odotôs.
Kai tev asnis natecèja?
- Sasazížu ? vacu svìkstu?
Kur tu jèmi vacu svìkstu?
-Vacòs mòtis pyùreņâ.
Kur tei jème vacò mòte?
-Raibas gùvis ciceitî.
Kur tei jème raiba gùvs?
-Zaļis zoļes gaļeņâ.
Kur palyka zaļa zòļa?
-Dìva vèrši nùáduši.
Kur palyka Dìva vèrši?
-Dìva dàli (kollpi) nùdzynuši.
Kur palyka Dìva dàli (kollpi)?
-Uz kaļneņa pili taìsa.
Kur palyka tei pileite?
-Zylòm gunim sadaguse.
Kur palyka tòs pļènteņis?
-Dìva vystas izkosušas.
Kur palyka Dìva vystas?
-Lìpeņâ salàkušas.
Kur palyka tei lìpeņa?
-Dìva dàli nùcàrtuši,
Dìva dàli nùcàrtuši
Ar osìm zùbiním.
Kur palyka tòs skaideņas?
-Jiùreņôs salakstèja.