10121-0
Lobók jamu vacu calmu,
Na vacù oròjeņu:
Pi celmeņa guni kiùru,
Kas nu vaca oròjeņa?

13263-1
Gaismeņai austùt,
Sauleitei làcùt
Vaì, agri, agri saùleitei làcùt!
Jaunais puìškins
Zyrgus sadlòja,
Vaì agri, agri zyrgus sadlòja!
Zyrgus sadlòja,
Griùš nùsapyute,
Vaì agri, agri griùš nùsapyute!
Griùš nùsapyute,
Gauži raudòja,
Vaì agri, agri gauži raudòja!
Jój jaunais puìškins
Pa garu ceļu,
Vaì agri, agri pa garu ceļu!
Jóju es, jóju,
Lai gon napazyna,
Vaì agri, agri lai gon napazyna!
Lai gon napazyna,
Lobdìn atjème,
Vaì agri, agri lobdìn atjème!
Lobdìn atjème,
Par mìlu sauce,
Vaì agri, agri par mìlu sauce!
Par mìlu sauce,
Gradzinim meja,
Vaì agri, agri gradzinim meja!
Gradzinim meja,
Skusteņu deve,
Vaì agri, agri skusteņu deve!
Jòj jaunais puiškins,
Treis dorzi prìškâ,
Vaì agri, agri treis dorzi prìškâ!
Pyrmejâ dorzâ
Kiùkoj dzaguze,
Vaì agri, agri kiùkoj dzaguze!
Ùtrejâ dorzâ
Syt laksteigola,
Vaì agri, agri syt laksteigola!
Trežejâ dorzâ
Raud jauna meita,
Vaì agri, agri raud jauna meita!
Jaunai meitiņei
Zaļš vaiņuceņš,
Vaì agri, agri zaļš vaiņuceņš!
Tev, dzaguzeite,
Pùrini bàrzi,
Vaì agri, agri pùrini bàrzi!
Tev, laksteigola,
Malnòs upines,
Vaì agri, agri malnòs upines!
Tev, meitineite,
Borga mòteica,
Vaì agri, agri borga mòteica!
Borga mòteica
Borgi lomòja,
Vaì agri, agri borgi lomòja!
Svíde atslágas
Zam tovóm kòjóm,
Vaì agri, agri zam tovóm kòjóm!

16950-0
Aunís, munu mòseņ,
Kurrpeitês, zečeitês;
Tautu dáls apsaova
Vanadzeņa nadzeņim.

21397-8
Mòseņ, tovys oròjeņš
Cyùku gona nastòvè;
Ka tu munu redzèjuse,
Kai óriskis úzuļeņs.

19709-1
Ni dzer kungi, ni bojòri,
Kai dzer muni bòļeļeņi:
Skombóm gòja bičereites
Pa gaļdeņa gaļeņím.

23802-2
Ļeiteņš ļeit namócèja,
Myrdzynót myrdzynò;
Tautas ròt namócèja,
Ryudynót ryudyno.

5057-0
Satòp ? mani div' viļneiši,
Iz Daugovas veļèjùt,
Ìsvíž vòlis Daugovâ,
Ìceļ pošu laìveņâ.
Ìcáluši laìveņâ,
Nùvad mani uz Vòczemi.
Nùvaduši uz Vòczemi,
Dalìk mani klaùseitús,
Dalìk mani klaùseitús,
Kù dzídòja škòlas bàrni.
Treis dìneņas sasaklaùšu
Ni áduse, ni dzáruse;
Catùrtâ dìneņâ
Ìdúd maņi vínu zèrni.
Es tò zèrņa naapéžu,
Tù ìsèju dèrveņî.
Tys izauga kuplys, gars,
Da poším dabasím;
Es izkópu pi Dìveņa
Pa zèrneiša zareņím.
Lobs reiteņš, Dìva dáls!
Kur guļ muna mòmuļeņa?
- Tí guļ tova mòmuļeņa,
Zam Dìveņa noma durs,
Zam Dìveņa noma durs,
Zam zaļù veļèneņu.
- Ceļís, munu mòmuļeņ,
Es paceļšu veļèneņu.
- Es, bèrneņ, nasaceļšu,
Cikom saùļe debesîs.
Dužódama, raudódama,
Ìtecèju nídreitês.
Nu tús nídru šmuigu garu
Iztak zalta olùteņš.
Pi tò zalta olùteņa
Treis jumprovas mozgòjós.
Divi soka: kur tu ísi?
Trešà klótu aicynò.
Kura klótu aicynò,
Tei ìdeve zeìžauteņu.
-Ša, mòseņ, zeìžauteņš,
Nùslaùk sovas asareņas!
- Nùslaùcèju asareņas,
Ša, mòseņ, atpakaļ.
- Jam ar Dìvu, nosoi pate
Par màmeņas žèļeibóm.

19496-1
Olys, olys, brandiviņš,
Gudram beja tevi dzert!
Dažu lobu atguļdèja
Apautóm kòjeņóm.

6526-0
Vysys mòseņis bejóm,
Vysóm skaisti vaiņuceņi,
Cyta cytas nadevém
Tauteņóm nycynòt.

32550-1
Kura gudra saimineica,
Apít sovu rudzu lauku;
Kura kaida palaidneica,
Ni ap dórzu nastaìgòja.