Ļ. cien. dainuskapis.lv apmeklētāji! Tehnisku iemeslu dēļ pašlaik vietnē iegūstamā informācija var būt kļūdaina. Veicot pētījumus, lūdzam salīdzināt tekstus ar publicējumu – Krišjāņa Barona “Latvju dainām” (1. sēj. Jelgava, 1894; 2.–6. sēj. Pēterburga, 1903–1915).
7336-2
Moza muna ļaùdaveņa
Kai tei syla vòvereite;
Ka jei aude audakļeņu
Kai tùs lada gabaļeņus.
6291-9
Uz kalneņa stòvádama,
Lejâ laižu gredzineņu;
Sadòrdzè, saskanè
Zam navèkļa kòjeņóm.
5868-0
Es savam bāliņam
Pat' audzeju līgaviņu;
Dienu katra nesajàm
Vienu zīļu vaidziņu.
4113-0
Lyuza prìde, lyuza egle,
Obi lyuza lejeņâ;
Myra tàvs, myra mòte,
Obi myra pavasar.
27929-2
Oròjs ora kaļņeņâ,
Olùts tak ļejeņâ;
Ni tryùkst maizis oròjam,
Ni iudiņa olùtâ.
90-1
Biteišóm mòseņóm,
Jóm bej loba dzeivóšana:
Kur ídamas, naídamas,
Vys jós gò dzídódamas.
34043-6
Ka maņ beja bollta puķe,
Kur es viņu sádynóšu?
Augstajâ kaļņeņâ
Bolltajâ smèļeitè.
Maņ izauga bollta puķe
Da poším debesím.
Es izkòpu debesîs
Pa tòs puķis zareņím;
Tí atrodu Dìva dálu
Kumèļeņu sadlòjùt.
Lobreiteņ, Dìvs paļeidz,
Kumèļeņu sadlòjùt!
Dìv' déļeņi bròļeļeņi,
Vaj redzèji tàv' ar mòti?
-Tovs tèteits ar màmeņu
Jiùrmalî kòzys dzer.
-Nùsakolu zùbiņeņu
Nu biteišu dzanyugļeņu,
Izrùcèju tàv' ar mòti
Nu deveiņu etsļédzeņu,
Sakopòvu Jiùru mòti
Deveņím gobolím,
Sasatreiņa mallni svòrki
Jiùru mòtis asņeitê.
Oì, tèteit, oi, màmeņ,
Kur byus jùs izmozgót?
-Ti, déļeņ, izmozgósi,
Kur deveiņis upis tak.
-Oì, tèteit, oi, màmeņ,
Kur byus jùs izkaltét?
Tì, déļeņ, izkaļtési,
Obuļ' zídu dòrzeņâ.
-Oì, tèteit, oi, màmeņ,
Kur byus jùs saruļļét?
Tì, déļeņ, saruļļési,
Zalta ruļļis kambarî,
Tí bej divi jumpraveņis,
Ruļļis víni vòkinoi.
19501-0
Ols ar konnu, ols ar konnu,
Mads ar bolltu bičereiti!
Lai tys ols, kù tys ols,
Kù tei poša nesèjeņa.
1187-2
Lustitê, līgsmitê
Es izaugu bāliņôs:
Kokles skan namiņâ,
Pivolites istabâ.
10313-1
Es màmeņas mìļi lyudzu,
Ap muteiti glòsteidama,
Ka jei manis naìdútu
Kaidam krùga dzáròjam.
