6345-1
Par rùbežu, par rùbežu
Visi muni gredziņeņi;
Par gadeņu, par ùtoru
Jau es poša par rùbežu.

33182-4
Ļeli puìši, mozi puìkas,
Jòņa nakti nagulit;
Kurs gulésit Jòņa nakti,
Myužam sìvas nadabósit.

15176-3
Na taidam vèjeņam
Syla prìdi kustinót;
Na taidam navèkļam
Nùjimt munu vainuceņu.

12076-3
Meiteņóm rožys zíd,
Meiteņóm magatkenis;
Puìškinim pavasar
Pura korkli nazídè.

33494-2
Kur tu teci, moza peļa? Koladu, koladu!
- Da orùda zerņu zogtu.
Kai ti tevi nasagiva?
- Es ibàgu aļeņâ.
Kai tu ti nanùsoli?
-Sasakiùru kaula guni.
Kai tu ti nasadagi?
- Sasaspraužu odotôs.
Kai tev asnis natecèja?
- Sasazížu ? vacu svìkstu?
Kur tu jèmi vacu svìkstu?
-Vacòs mòtis pyùreņâ.
Kur tei jème vacò mòte?
-Raibas gùvis ciceitî.
Kur tei jème raiba gùvs?
-Zaļis zoļes gaļeņâ.
Kur palyka zaļa zòļa?
-Dìva vèrši nùáduši.
Kur palyka Dìva vèrši?
-Dìva dàli (kollpi) nùdzynuši.
Kur palyka Dìva dàli (kollpi)?
-Uz kaļneņa pili taìsa.
Kur palyka tei pileite?
-Zylòm gunim sadaguse.
Kur palyka tòs pļènteņis?
-Dìva vystas izkosušas.
Kur palyka Dìva vystas?
-Lìpeņâ salàkušas.
Kur palyka tei lìpeņa?
-Dìva dàli nùcàrtuši,
Dìva dàli nùcàrtuši
Ar osìm zùbiním.
Kur palyka tòs skaideņas?
-Jiùreņôs salakstèja.

30700-3
Ar saùļeietie saderèju
Reizê tikt Vòczemê.
Jau saùļeite Vòczemê,
Veļ es jiùru saļeņâ.

780-4
Kò jiùs, meitas, tosnòjat,
Ka jiùs dzíšmu nadzídit?
Vaj jiùs kungi karâ dzyna,
Vaj rakstèja gròmotôs?
Jaunus puišus karâ dzyna,
Tùs rakstèja gròmotôs.

1211-3
Líc, Laìmeņ, man myužeņu,
Ka líc lobu, to líc garu,
Ka na lobu, to na garu,
Vín divejóm dìneņóm.

13597-1
Kalités, bròļeļeņi,
Vanadzeņa nadzeņûs:
Tautas mòseņu nùvede
Par slydonu ezereņu.

3499-4
Ka maņ taida ļaùdaveņa,
Kai mòseņa dzaltòneite,
Ni myužam neautuļu
Mallnu autu kòjeņôs.