4124-0
Méru mòte, kopu mòte.
Ìdúd kopu etslédzeņas,
Lai es sládzu kopu vórtus,
Lai ar mòti parunòju.

18455-0
Grìzit çeļu, grìzit çeļu,
Atbrauc koļva ļaùdaveņa;
Pyllnu çeļu lùpu dzeiņa,
Poša mallna kó vabaļe.

8106-2
Molu, molu vysu reitu,
Suņam putras nasamolu;
Ka suneišam samoluse,
Byutu poša paáduse.

6708-2
Padzídi, munu gaiļeit',
Ar tù kaùla daguneņu,
Pìceļ kollpus, kollpyneitis,
Munas maises ádójeņus.

26541-18
Zynu, zynu bròļu sàtu,
Navajag ròdeitòja:
Tei bej munu bròļu sàta,
Kur deveņi veitùļeņi.
Deveitâ veitulâ
Strodi dzíd pa zorím,
Strodi dzíd pa zorím,
Laksteigola vèrsyunê.
Soka strodi dzídódami:
Kas tí brauc? zeme reib.
Atbrauc myusu bròļu mòsa
Par deveņis vasareņis,
Par deveņis vasareņis
Ar deveņi kumèļeņi,
Ar deveņi kumèļeņi
Četri voska skrituleiši.
Syuta strodu vòrtu vàrtu,
Stradeņš vòrtu neatvèra,
Atver poša bròļu mòsa,
Strodam kaunu padareja.
Iztak muni pìci bròļi,
Kai úzuli zoródami;
Iztak munas pícas màršas,
Kai ìveņas zídádamas;
Iztak poša mòmuļeņa
Zeižauteņu rùceņâ,
Zeižauteņu rùceņâ,
Asareņas slauceidama.
Ìvad mani ustobâ,
Paceļ maņ lìpa kráslu,
Paceļ maņ lìpa kráslu,
Davalk maņ lìpa goldu,
Izlìk maņ uz gaļdeņa
Treis sudobra bičereišus:
Vínu ol's, ùtru mad's,
Trešu gaudu asareņu.
Dzer, mòseņ, olu, madu,
Nadzer gaudu asareņu,
Soldons beja ols ar madu,
Sòjas gaudas asareņas.-
Soka bròļi vadeidami:
Kod mòseņ, veļ atísi?
Soka màršas stòvádamas:
Kuru trumu ? veļ vajag?

28643-3
Ka tei muna ļaùdaveņa
Sìnu pļaùt mócèjuse,
Es izkolltu iskapteiti
Kai kamanis dzanúgļeņu.

3950-0
Osa, osa pùra zoļa,
Vaļ osóka iskapteņa;
Borga, borga sov' màmeņa,
Vaļ borgóka sveša mòta.

10121-0
Lobók jamu vacu calmu,
Na vacù oròjeņu:
Pi celmeņa guni kiùru,
Kas nu vaca oròjeņa?

4858-0
Bòtiņeite bej augdama,
Na bòriņa dzeivódama,
Man Laìmeņa sasaguşa
Na bòriņas şedziņeņu.

13263-1
Gaismeņai austùt,
Sauleitei làcùt
Vaì, agri, agri saùleitei làcùt!
Jaunais puìškins
Zyrgus sadlòja,
Vaì agri, agri zyrgus sadlòja!
Zyrgus sadlòja,
Griùš nùsapyute,
Vaì agri, agri griùš nùsapyute!
Griùš nùsapyute,
Gauži raudòja,
Vaì agri, agri gauži raudòja!
Jój jaunais puìškins
Pa garu ceļu,
Vaì agri, agri pa garu ceļu!
Jóju es, jóju,
Lai gon napazyna,
Vaì agri, agri lai gon napazyna!
Lai gon napazyna,
Lobdìn atjème,
Vaì agri, agri lobdìn atjème!
Lobdìn atjème,
Par mìlu sauce,
Vaì agri, agri par mìlu sauce!
Par mìlu sauce,
Gradzinim meja,
Vaì agri, agri gradzinim meja!
Gradzinim meja,
Skusteņu deve,
Vaì agri, agri skusteņu deve!
Jòj jaunais puiškins,
Treis dorzi prìškâ,
Vaì agri, agri treis dorzi prìškâ!
Pyrmejâ dorzâ
Kiùkoj dzaguze,
Vaì agri, agri kiùkoj dzaguze!
Ùtrejâ dorzâ
Syt laksteigola,
Vaì agri, agri syt laksteigola!
Trežejâ dorzâ
Raud jauna meita,
Vaì agri, agri raud jauna meita!
Jaunai meitiņei
Zaļš vaiņuceņš,
Vaì agri, agri zaļš vaiņuceņš!
Tev, dzaguzeite,
Pùrini bàrzi,
Vaì agri, agri pùrini bàrzi!
Tev, laksteigola,
Malnòs upines,
Vaì agri, agri malnòs upines!
Tev, meitineite,
Borga mòteica,
Vaì agri, agri borga mòteica!
Borga mòteica
Borgi lomòja,
Vaì agri, agri borgi lomòja!
Svíde atslágas
Zam tovóm kòjóm,
Vaì agri, agri zam tovóm kòjóm!