24503-1
Nag bej tautu klèļeņa
Bez dybyna palykuşa:
Ar vaiņuku ìļeigòju,
Bez vaiņuka izleigòju.

8765-0
Úši, úši, kļovi, kļovi
Vysu kùku pakaļê;
Bròļi, bròļi, jiùsu mòsa
Vysu ļaužu volúdôs.

5180-0
Pa kam var pazeìt avíkšu kùku?
Bollti zídeņi, sorkonas úgas.
Pa kam var pazeìt bòriņi pulkâ?
Zemļi şédèja, gauži raudòja,
Gauži raudòja sovas draudzeites.
Nava maņ tàva, kam gúda çalt,
Nava maņ mòtes, kam pyùra likt,
Nava maņ mòsas, kam galvas sukót,
Nava maņ bròļa, kam ļeìdza braukt.
Tovys tàteita tóļi tóļumâ,
Tóļi tóļuma, zamas dziļumâ,
Zamas dziļumâ zam treju atslágu.
Pyrmais atslágs úzula goldi.
Úzula goldi placus samidza,
Placus samidza uz vysa myuža.
Ùtrais atslágs zaļa zóļeita.
Trešais atslágs dzaltonas smiļktes.
Dzaltonas smiļktes acis samidza,
Acis samidza uz vysa myuža
Tova màmeņa tóļi tóļumâ,
Tóļi tóļumâ, zamas dziļumâ,
Zamas dziļumâ zam treju atslágu.
Pyrmais atslágs úzula goldi.
Úzula goldi placus samidza,
Placus samidza uz vysa myuža.
Ùtrais atslágs zaļa zóļeita.
Trešais atslágs dzaltonas smiļktes.
Dzaltonas smiļktes acis samidza,
Acis samidza uz vysa myuža
Tova mòşeņa tautôs nùgòja,
Tautôs nùgòja osoru lítu;
Na uz dìņeņas, na uz ņedeļas,
Tautôs nùgòja uz vysa myuža.
Tovys bòļeņis karâ nùgòja,
Karâ nùgòja osoru lítu
Na uz dìņeņas, na uz ņedeļas
Zùbins uz kokla ?, bļişa uz placa.

25694-0
Metit, puiši, metit puiši,
Naturit kàrmynâ;
Turésit kàrmynâ,
Peles vilks midzinî.

22789-0
Nùsazvìdze kumèļeņš,
Ka palaižu dobulâ;
Atsašķir niu, màmeņ,
Ka pajimšu ļaùdaveņu.

16515-11
Maùròj munas teļeiceņas,
Raužu poša gaņeidama:
Teļeicóm pùra zóļe,
Man svešò mòmuļeņa.

28003-5
Zirdzeņs muns kai lóceits,
Oròjeņš kai úzuls;
Maizeit' muna kai šyuneņi,
Cepèjeņa kai biteite.

18171-1
Ít es gòju tauteņôs,
Zyna Dìvs, kai dzeivòvu:
Vacókajam dìveram
Vòrtûs klupa kumeļeņi.

1943-10
Ni es beju saauguse,
Ni pròteņa sajàmuse,
Jau tauteņu kumeļeņš
Zvaìgoi munâ pogolmâ.

33875-1
Nu jiùreņu iztecèja
Seši mallni kumèļeņi;
Treis bej bròļi, treis na bròļi,
Vysi ļeìdza darynòja.