|
Izvērstā meklēšana
Ļ. cien. dainuskapis.lv apmeklētāji! Tehnisku iemeslu dēļ pašlaik vietnē iegūstamā informācija var būt kļūdaina. Veicot pētījumus, lūdzam salīdzināt tekstus ar publicējumu – Krišjāņa Barona “Latvju dainām” (1. sēj. Jelgava, 1894; 2.–6. sēj. Pēterburga, 1903–1915).
Meklēja iesūtītāju laizāns b. Rezultāti: 271 - 280 no 923 17968-4
Soka gudru meitu mòti,
Lai myužam taids gudrums!
Poša sovu vìglu dìnu
Pa vòrtím pavadeja. 13250-39
Nòču, nòču pa jiùróm,
Dasanòču zaļu muìžu.
Tymâ zaļâ muìžeņâ
Treis meitiņis màmeņai.
Vína mete,ùtra aude,
Treša roksta zeìžauteņis.
Dúd, màmeņ, tù meitiņi,
Kura roksta zeìžauteņis.
Ka nadúsi tòs meitiņis,
Meitu bàdôs es nùmèršu.
Nùmyrušu meitu bàdôs,
Kur jiùs mani globósit?
Iz kaļneņa ròžu dòrzâ,
Zam ròžeņu sakneitém,
Kur ít meitas kas svátdínes
Uz tù dòrzu puškótús.
Raunit, meitas, kò raunit,
Ròžai golvas naraunit:
Na tej beja ròžys golva,
Tej bej puìša dvèseļeite,
Tej bej puìsa dvèseļeite,
Meitu bàdôs nùmyruse. 4195-3
Redzu saùļeit' izlacùt,
I vokorâ nùrìtùt;
Sov' tèteites naredzu
Ni reitâ, vokorâ. 9994-0
Ka es sovu vaiņuceņu
Symtu godu nosótum,
Tod veļ es narìstum,
Poša vèstis tauteņôs. 8012-2
Gon pazyna mòmuļeņa,
Ka samola maļejeņa:
Síki, vóki saklaùdzèja,
Tukšys ryuce dzèrnaveņis. 32-1
Dzísmeitês ìsalaidu,
Kai pa pļovu pučeitês:
Ni dzísmeišu izdzídót,
Ni pučeišu izlasét. 24610-5
Nataki vòrpsteņa
Bez skrìvisteņa,
Naíšu tauteņôs
Bez bòļeļeņa,
Kas munu vaiņuku
Atpakaļ nùņes.-
Kur lyki, bòļeņ,
Munu vaiņuçeņu?
-Nùnešu, ìlyku
Mameņas kļèpî.
-Kur lyki, mameņ,
Munu vaiņuçeņu?
Nùnešu, ìlyku
Rùžu, dòrzeņâ.
-Ísimi vàrtús
Uz rùžu dòrzu,
Vaj kuplas auga,
Vaj skaistas zídèja.-
Pìšķinu nùveju
Şev vaiņuçeņu.
Ídama uz bazņeicu,
Aplyku golvâ.
Satyku tautìti
Çeļa maļeņâ.
-Veiklà meitiņa,
Skaists vaiņuçeņš,
Vaj poša pèrki,
Vaj bròļi deve?
-Man pošai ira
Rùzeišu dòrzeņs.
-Ej, bòļeņ, pasaver,
Kù mòsa dora.
-Maìksteņas lauzèja,
Gunteņu kiùra.
Maìksteņas nadaga,
Gunteņa apdzysa. 12076-1
Deļ meitiņu rožas zíd,
Deļ meitiņu mogiuneitis;
Deļ puìškinu pura korkli
Ni zíd zìmu, ni vosor'. 17044-0
Pazynu sovu màmeņu,
Na gonûs mani làdèjuse:
Gludu gaļweņu saglauž,
Sasedz bolltas vyllnòneites. 4365-2
Ļàc, saùļeit, tu dreižók,
Spíd pa lúgu ustobâ:
Bòrineits kòjas ova
Tumsejâ kakteņâ. Meklēja iesūtītāju laizāns b. Rezultāti: 271 - 280 no 923 |
