4113-0
Lyuza prìde, lyuza egle,
Obi lyuza lejeņâ;
Myra tàvs, myra mòte,
Obi myra pavasar.

90-1
Biteišóm mòseņóm,
Jóm bej loba dzeivóšana:
Kur ídamas, naídamas,
Vys jós gò dzídódamas.

34043-6
Ka maņ beja bollta puķe,
Kur es viņu sádynóšu?
Augstajâ kaļņeņâ
Bolltajâ smèļeitè.
Maņ izauga bollta puķe
Da poším debesím.
Es izkòpu debesîs
Pa tòs puķis zareņím;
Tí atrodu Dìva dálu
Kumèļeņu sadlòjùt.
Lobreiteņ, Dìvs paļeidz,
Kumèļeņu sadlòjùt!
Dìv' déļeņi bròļeļeņi,
Vaj redzèji tàv' ar mòti?
-Tovs tèteits ar màmeņu
Jiùrmalî kòzys dzer.
-Nùsakolu zùbiņeņu
Nu biteišu dzanyugļeņu,
Izrùcèju tàv' ar mòti
Nu deveiņu etsļédzeņu,
Sakopòvu Jiùru mòti
Deveņím gobolím,
Sasatreiņa mallni svòrki
Jiùru mòtis asņeitê.
Oì, tèteit, oi, màmeņ,
Kur byus jùs izmozgót?
-Ti, déļeņ, izmozgósi,
Kur deveiņis upis tak.
-Oì, tèteit, oi, màmeņ,
Kur byus jùs izkaltét?
Tì, déļeņ, izkaļtési,
Obuļ' zídu dòrzeņâ.
-Oì, tèteit, oi, màmeņ,
Kur byus jùs saruļļét?
Tì, déļeņ, saruļļési,
Zalta ruļļis kambarî,
Tí bej divi jumpraveņis,
Ruļļis víni vòkinoi.

10313-1
Es màmeņas mìļi lyudzu,
Ap muteiti glòsteidama,
Ka jei manis naìdútu
Kaidam krùga dzáròjam.

13017-11
Aiz kaļneņa vucyns bļaun,
Smolka sìna gribádams;
Pi màmeņas meita raud,
Smuka veìra gribádama.
Vucyns sìna gon dabòja,
Meita veìra nadabòja.

33062-2
Jureits jója Jura nakti
Ar pynkòju kumeļeņu;
Jòneits jója Jòņa nakti
Spúdru bàru kumeļeņu.

19912-1
Dzáròjs veìrs nabàdò,
Jiudze kozu komonôs.
Skrín kazeņa sprinndžádama,
Kamaneņis dòrdzádamys.

18371-0
Žàl bitei tò zídeņa,
Kur' nùnese kamaneite;
Žàl màmeņai tò bèrneņa,
Kur' nùvede sveši ļauds.

10597-0
Sokós maņ tàvs ar mòti
Sàtâ jimt oròjeņu.
Ved mežâ, síņ pi kùka,
Na pi muna augumeņa.

3948-1
Aiz osuma pùra zóļe
Zídét nazídèja;
Aiz borguma sveša mòte
Runót narunòja.