14582-0
Vòjas tauteņas sabrauce,
Vòji tautu kumeļeņi.
Màršas, kráslu naceļit,
Bròļi, vòrtu naverit.

4886-9
Škirités, gari meži,
Bòriņs vad ļaùdaveņu:
Pylnu ceļu lùpu dzan,
Pazeļteitu pyùru vad.

7984-2
Moza muna ļaùdaveņa,
Naspèj dzèrnu rytynót;
Íšu molltu paleidzátu
Sovai jaunai ļaùdaveņai,
Likšu sovu capureiti
Dzèrnaveņu gaļeņâ.

25753-0
Lyudzu Dìva, lyudzu Laìmis,
Oba divi ļeidza lyudzu:
Nu Dìveņa veseleibas,
Nu Laìmeņas loba myuža.

22938-0
Kò, mòşeņ, gauži raudi,
Kò tev žàl pakaļâ?
Vaj tev žàl tàva, mòtes,
Vaj tò sova vaiņuçeņa?
-Ni man žàl tàva, mòtes,
Ni tò sova vaiņuçeņa,
Žàl man sovu jaunu dìnu,
Kur' palika pakaļâ.

17816-0
Ej, mòseņ, tauteņôs,
Jem lazdeņu rùceņôs:
Cyti kùki blèņus tur',
Lozda blèņu naturà.

5680-1
Gòdoj, Dìvs, gòdoj, Laìma,
Maņ jaunai daùdz vajag:
Vajag lobu sanosót,
Lobu likt piùreņâ.

13250-25
Cìma meita vítu taìsa,
Prosa mani pòrgulét.
Guli vína, cìma meita,
Es ar tevi naguļéšu;
Es guļèju jiùru molâ
Úzuļeņa laìveņâ.-
Ít laìveņa ļeigódama,
Dasaíti zaļu muìžu.
Tyma zaļâ muìžeņâ
Treis meiteņas remesneicas:
Vína mete, ùtra aude,
Treša roksta zeìžauteņis.
Dúd, màmeņ, tù meiteņi,
Kura roksta zeižauteņas;
Ka nadúsi tòs meiteņas,
Es nùmèršu bēdeņôs.
Kur jiùs mani globósit,
Meitu bàdu nùmyrušu?
Tí jiùs mani globósit,
Ròžu dorzâ uz kaļneņa,
Ròžu dorzâ uz kaļneņa
Zam ròženu sakneitèm.
Tí staìgòja jaunas meitas
Kas reiteņa puškótús.
Raunit, meitas, kù raunit,
Ròžai golvas naraunit:
Na tei beja ròžas golva,
Tei bej puìša dvèseleite,
Tei bej puìša dvèseleite,
Meitu bàdôs nùmyruse.

6658-0
Móku dzídót, móku doncót,
Sína pļaùt namócèju.
Tàvs vuicèja sínu pļaùt,
Mòte puìšus kairinót.

6862-0
Es sovím bòļeņím
Agri gòju dèrveņî:
Dèrvâ maņ saùļe ļèce,
Dèrvâ maņ nùrìtè.