www.dainuskapis.lv logo
SĀKUMLAPA| PAR DAINU SKAPI| PALĪDZĪBA| ATSAUKSMES
Izvērstā meklēšana

Ļ. cien. dainuskapis.lv apmeklētāji! Tehnisku iemeslu dēļ pašlaik vietnē iegūstamā informācija var būt kļūdaina. Veicot pētījumus, lūdzam salīdzināt tekstus ar publicējumu – Krišjāņa Barona “Latvju dainām” (1. sēj. Jelgava, 1894; 2.–6. sēj. Pēterburga, 1903–1915).


Meklēja pagastu pilda
Rezultāti: 1 - 10 no 27
Meklēt vēl
278731-0
51164-0
135621-0
19124-6
Vydyn jiùru pi akmiņa
Grìžas putu gabaļeņš;
Vydyn taùtu pi bòļeņu
Şéd mòşeņa raudódama.
6299-0
Kú, mameņ, maņ darét,
Maņ navèkļa naminèt:
Vysi muni gredziņeņi
Navèkļeiša rùçeņâ.
27983-4
Na daùdz şèju es auzeņu,
Skaista muna ļaudaveņa,
Lai jei maņ neapput,
Şejódama, nìkódama.
22419-3
Man' màmeņa tiùļi dava,
Syltas maìzes grybádama.
Klépî ņešu syltu maìzi
Sauļâ trauču asareņas.
22803-3
Pats as jàmu, pats preçèju
Şev jaunù ļaudaveņu;
Pats ìvežu şèteņâ,
Pats ìvežu kļèteņâ;
Pats taişèju meikstu vìtu
Nu meikstùs spiļviņeņu.
Guļis, muna ļaudaveņa
Uz munóm rùçeņóm;
Ka rùçeņis atguļési,
Tod tevi múdynóšu.
Ceļís, muna ļaùdaveņa,
Nasaçeļ vaìdeidama.
Reitâ agri cáluşés:
Vaì, Dìveņ, golva sóp!
Íšu, íšu da màmeņas,
Pasaçeišu màmeņai.
Ka as beju pi màmeņas,
Maņ gaļveņa nasópà.
10227-12
Man' màmeņa mozu, şeiku
Navèkļam pasùleja;
Ilykdama šyùpelî:
Guļ', navèkļa ļaùdaveņa!
5180-0
Pa kam var pazeìt avíkšu kùku?
Bollti zídeņi, sorkonas úgas.
Pa kam var pazeìt bòriņi pulkâ?
Zemļi şédèja, gauži raudòja,
Gauži raudòja sovas draudzeites.
Nava maņ tàva, kam gúda çalt,
Nava maņ mòtes, kam pyùra likt,
Nava maņ mòsas, kam galvas sukót,
Nava maņ bròļa, kam ļeìdza braukt.
Tovys tàteita tóļi tóļumâ,
Tóļi tóļuma, zamas dziļumâ,
Zamas dziļumâ zam treju atslágu.
Pyrmais atslágs úzula goldi.
Úzula goldi placus samidza,
Placus samidza uz vysa myuža.
Ùtrais atslágs zaļa zóļeita.
Trešais atslágs dzaltonas smiļktes.
Dzaltonas smiļktes acis samidza,
Acis samidza uz vysa myuža
Tova màmeņa tóļi tóļumâ,
Tóļi tóļumâ, zamas dziļumâ,
Zamas dziļumâ zam treju atslágu.
Pyrmais atslágs úzula goldi.
Úzula goldi placus samidza,
Placus samidza uz vysa myuža.
Ùtrais atslágs zaļa zóļeita.
Trešais atslágs dzaltonas smiļktes.
Dzaltonas smiļktes acis samidza,
Acis samidza uz vysa myuža
Tova mòşeņa tautôs nùgòja,
Tautôs nùgòja osoru lítu;
Na uz dìņeņas, na uz ņedeļas,
Tautôs nùgòja uz vysa myuža.
Tovys bòļeņis karâ nùgòja,
Karâ nùgòja osoru lítu
Na uz dìņeņas, na uz ņedeļas
Zùbins uz kokla ?, bļişa uz placa.
123»
Meklēja pagastu pilda
Rezultāti: 1 - 10 no 27
Meklēt vēl
meklēt Dainu skapī