32046-5
Kara veira ļaùdaveņa
Nakti mìga naguļèje,
Şéd pi lúga raudódama,
Karùdzeņu raksteidama.

26952-0
Dzáròjs munys veìrys beja,
As dzáròja ļaùdaveņa,
Kas svátdìņis sadzeram
Pa bolltai vyllnòņei.

22236-2
Dravinìka méita beju,
Medinika ļaudaveņa;
Ni dzér' ola namadóta,
Ni staìgòju nacauņóta.

6445-9
Šķeļmeitş muns kumèļeņš
Ìlàc rùžu dòrzeņâ.
Pìļaùnít jiùs, mòşeņis,
Natìš maņ gadejós.

21161-1
Lyga, lyga, sòrga, sòrga,
Kollpam skaista ļaùdaveņa;
Es puìşeits kai kundzeņš,
Maņ bej taida cyuku gaņa.

33878-1
Saùļeit' véļi vokorâ
Isást zalta laìveņâ;
Reitâ agri izlàkdama,
Atstój laìvu ļeìgòjùt.

33612-0
Aivíkšys, upinis
Bolltys zídèje,
Bolltys zídèje
Sorkonys kòrsa.
Mani tàvs, màmeņa
Jaunu tautôs atdeve.
Pìsaçeja atdúdami
Cìmâ nastaìgót,
Cìmâ nastaìgót,
Kòju nalauzeit.
Dzeivòju gadeņu,
Dzeivòju ùtru,
Iz treša gadeņa
Sajèmu pròtu,
Pasamešu par dzagúzi,
Skríš' iz tàva sàtu.
Aizkiùkòju tàva sàtâ
Ar žèļeigu bolsu,
Laìkam mani tàvs izdzèrş,
Pa pogolmu staìgódams.
Pa pogolmu pòrstaìgòja,
Maņa nadzèrdèje.
Aizkiùkòju tàva sàtâ
Ar žèļeigu bolsu,
Laìkam mani mòt' izdzèrş,
Brùkastiş vòreidama.
Mòte brùkastş izvòrèja,
Maņa nadzèrdèje.
Aizkiùkòju tàva sàtâ
Ar žèļeigu bolsu,
Laìkam mani mòs' izdzèrş,
Siņciş slaùçeidama.
Mòsa siņciş izslaùçèja,
Maņa naizdzèrda.
Aizkiùkòju tàva sàtu
Ar žèļeigu bolsu,
Laìkam mani vacys bròļş
Izdzèrş, izkapti kuldams.
Bròļş izkapti izkiùla,
Maņa naizdzèrda.
Aizkiùkòju tàva sàtâ
Ar žèļeigu bolsu,
Laikam mani jaunais bròļeņš
Izdzèrş, zyrgu sadlódams.
Bròļeņš zyrgu apsadlòja,
Mani izdzèrda.
Pavaìcòja vacù bròļi,
Voj saùt itù dzagúzeiti.
"Nasaun', bròļeit, pagaìd', bròļeit,
Voj nav myùsu mòsa.
Jo tu esi myùsu mòsa,
Ej uz myusim cìmâ;
(Ej pi myusu ustobâ)
Jo eìstò dzagúzeite,
Skrìn pa zaļu mežu"!
Ka skrèju pa mežu,
Visi kùki ļeìka;
Ka skrèju pa teìrumu,
Vyss teìrums zaļš palyka;
Ka skrèju pa lukstím,
Luksti pilni osoru.
Patim lobam kùkam
Dìvs lopu nadeve;
Taipat maņ bòryņei
Dìvs dzeivis nadeve.

23701-1
Dìveri, muni dìveri
Kai eìstì bòļeļeņi,
Kod ídami driveņâ:
Maršeņ, ļeìdza bora vastu!

31907-6
Prújom jòít, prújom jòít,
As navaru še palikt!
Palìk maņ eistais tàvs,
Kas maņ' lylu uzaudzèje.
Prújom jòít, prújom jòít,
As navaru še palikt!
Palìk maņ eista mòte,
Kas maņ' gauži nùžàlòja.
Prújom jòít, prújom jòít,
As navaru še palikt!
Palìk maņ eisti bròļi,
Ar kú mīļi dzeivòjam.
Prújom jòít, prújom jòít,
As navaru še palikt!
Palìk maņ eistys mòsys,
Asareņis slaùçeidamys.

30153-0
Mygla, rosa pùreņâ,
Muns bòļeņš pìguļâ;
Pus dìņeņis nùstaìgòju,
Boļeļeņa saùkódama.