www.dainuskapis.lv logo
SĀKUMLAPA| PAR DAINU SKAPI| PALĪDZĪBA| ATSAUKSMES
Izvērstā meklēšana

Ļ. cien. dainuskapis.lv apmeklētāji! Tehnisku iemeslu dēļ pašlaik vietnē iegūstamā informācija var būt kļūdaina. Veicot pētījumus, lūdzam salīdzināt tekstus ar publicējumu – Krišjāņa Barona “Latvju dainām” (1. sēj. Jelgava, 1894; 2.–6. sēj. Pēterburga, 1903–1915).


Meklēja pagastu malnava
Rezultāti: 31 - 40 no 70
Meklēt vēl
31874-2
Kabi maņ tei naudeņa,
Kur' jyùreņu dybynâ,
Es nùpèrktu vysu Reìgu
Ar vysím Vòcìším,
Kù Vòcìši mužikím:
Dìnu ortu, mežâ brauktu,
Naktím kungím reju kulltu.
26541-18
Zynu, zynu bròļu sàtu,
Navajag ròdeitòja:
Tei bej munu bròļu sàta,
Kur deveņi veitùļeņi.
Deveitâ veitulâ
Strodi dzíd pa zorím,
Strodi dzíd pa zorím,
Laksteigola vèrsyunê.
Soka strodi dzídódami:
Kas tí brauc? zeme reib.
Atbrauc myusu bròļu mòsa
Par deveņis vasareņis,
Par deveņis vasareņis
Ar deveņi kumèļeņi,
Ar deveņi kumèļeņi
Četri voska skrituleiši.
Syuta strodu vòrtu vàrtu,
Stradeņš vòrtu neatvèra,
Atver poša bròļu mòsa,
Strodam kaunu padareja.
Iztak muni pìci bròļi,
Kai úzuli zoródami;
Iztak munas pícas màršas,
Kai ìveņas zídádamas;
Iztak poša mòmuļeņa
Zeižauteņu rùceņâ,
Zeižauteņu rùceņâ,
Asareņas slauceidama.
Ìvad mani ustobâ,
Paceļ maņ lìpa kráslu,
Paceļ maņ lìpa kráslu,
Davalk maņ lìpa goldu,
Izlìk maņ uz gaļdeņa
Treis sudobra bičereišus:
Vínu ol's, ùtru mad's,
Trešu gaudu asareņu.
Dzer, mòseņ, olu, madu,
Nadzer gaudu asareņu,
Soldons beja ols ar madu,
Sòjas gaudas asareņas.-
Soka bròļi vadeidami:
Kod mòseņ, veļ atísi?
Soka màršas stòvádamas:
Kuru trumu ? veļ vajag?
28643-3
Ka tei muna ļaùdaveņa
Sìnu pļaùt mócèjuse,
Es izkolltu iskapteiti
Kai kamanis dzanúgļeņu.
33088-10
Moza moza meiteneite
Pìveļ puisi kai úzulu:
Nùlaupèjse ròcineiti,
Dúd par sìra gabaļeņu.
23802-2
Ļeiteņš ļeit namócèja,
Myrdzynót myrdzynò;
Tautas ròt namócèja,
Ryudynót ryudyno.
19469-1
Kòzys lelys, kòzys mozys,
Kòzys bàdu padarà:
Maņ apéda vucineņu
Pazeļteitím radzeņím.
25812-0
Soka tautas pracādamys:
Jaunys kļèts, ustabeņis,
Jaunys kļèts, ustabeņis,
Apļeik zaļi veituļeņi.
Ka izgòju tauteņôs,
Ni ir kļèšu, ustabeņu,
Ni ir kļèšu, ustabeņu,
Ni ir zaļu veituļeņu.
26882-6
Suneits rej, gaileits dzíd,
Gaida mani atejùt;
Ļaùdaveņa mìga cyùka,
Tei jau mani negaìdè.
4377-1
Soka saùļeite làkdama:
Mozgòjís, bòrineit!
Jau, saùļeit, mozgòjús
Gaùdejôs osorôs.
12057-5
Vína zaļa ļeidaceņa
Vysas jiùres kustynòja;
Vína skaista bròļu mòsa
Vysas tautas kairynòja.
«1234567»
Meklēja pagastu malnava
Rezultāti: 31 - 40 no 70
Meklēt vēl
meklēt Dainu skapī