15203-1
Žòvas nòçe, žòvas noçe,
Kas žòvóm mìgu deve?
Tautas jója, tautas jója,
Kas tautómi mòsu deve?

6435-2
Pa vórtim rùžas sèju,
Pa vórtim maganeņas:
Pa vórtim nùļeìgòja
Poša rùžu sèjèjeņa.

33012-1
Kas tur speid, kas tur viz
Papardeišu kriùmeņâ?
Jòņa sìva zōļas losa,
Pyllnas kriutes sudabreņa.

10800-3
Tàvs, mòte vaìcòja:
Vaj grib dáls sìvas?
Mulks tàvs, mòte
Vaìcódami,
Kai cylváka
Namìļót?

12828-0
Kokorìši bagaturi,
Dasu sàtu sataìsèja.
Cikòm poši pa kòzám,
Suņi sàtu izvolkòja.

32894-1
Jòneits séd kalneņâ,
Voska sveces rùceņâ;
Tòs dadzynoi Jòņa nakti,
Lai redz ceļu Jòņa bàrni.

33181-3
Kura guļ Jòņa nakti,
Myužam veìra nadabós;
Es ļeìgòju Jòņa nakti,
Maņ byus kózas šurudiņ.

13080-0
N-íšu vaci puìši
Ortu gòja raudódami.
Kú jì lygu naraudós,
Vuts apakli šurinaja.

32925-1
Jòneits klìdze, Jòneits sauce,
Jòņa bàrni izkleiduši;
Pyut, Jòneit, vara trùbu,
Sasauc sovus Jòņa bàrnus.

13650-1
Vakar mòte krùgâ dzéra,
Maņ' pòrdzéra zvejnìkam.
Šùdin tak bòļeļeņi
Jiùru molu raudódami.
-Ak, jiùs jiùru zvejnìceņi,
Redzejat myùs' mòseņu.
-Pìci bollti bòļeļeņi,
Kóda beja jiùs mòseņa?
-Skaista, bollta myùs' mòseņa,
Sorkons rùžu vainuceņš.
-Jam, bròļeit, úša laìvu,
Dzeņís mòsai pakaļê.
-Úša laìva smoga laìva,
Tej núgrima dybynâ.
-Jam, bròļeit, lìpa laìvu,
Dzeņís mòsai pakaļê.
-Pìcu ļeiču ļeikumâ
Séd mòseņa raudódama.
Sést, mòseņ, laìveņâ,
Brauksim obi atpakaļ!
Aiz žàluma navarèju,
Tì rùceņu vín padevu.
-Es nùíšu pavasar,
Ka iudiņs nùsaskrís,
Ka kùceņi salapós,
Ka kiùkós dzaguzeite,
Ka kiùkós dzaguzeite,
Ka trauks óru laksteigola.
Niu ar Dìvu, smolki kòrkli,
Vaìra jiùsu nalùcéšu;
Niu ar Dìvu, skaistas pučes,
Vaìra jiùsu naplyùkóšu;
Niu ar Dìvu, bròļi, mòsas,
Vaìra jiùsu naaudzéšu;
Niu ar Dìvu, tàvs ar mòti,
Vaìra jiùsu naklaùséšu.
Dìveņ, tovu lykumeņu,
Laimeņ, tovu laidumeņu:
Atstój sovu tàv' ar mòti,
Ít ar svešu cilvèceņu,
Tai nameìl tàvs ar mòti,
Kai meìl svešs cilvèceņš.